Popular Bible Verses from Kata Lom 12

Share

Jakum jinab li bakaanelabu bata bukanabuku kata adunaayi inye, bale jikat Ateemit min akaanuul jilako bukan kábuto ban li asenuul butuuko buwunkul. Akaanuulumuu loon muñaˈa aban, fan jiyili jikooñaam min jihaas waa lafañumuu: wahawu wajakumuu, wahawu wásuumoolumuu, li wáliiŋumuu máliiŋ loon afañumuu.

Kutuyom, emmuu Ateemit lababbaj li alolaal káyiyen káamak, ínje ummu kama li kawankulenuul min jisenool siniilasu sooluul saloŋumuu min silako kasila kanabe ban li kúsuumool. Muñowu jóotimuu jikaan min jimanen Ateemit li mal̥egen.

Jibaj ésuumansuum humum hata kákangumaku kooluul. Jímuñ bukuluul li sílaam. Jijooŋoo to li kal̥awaku.

Jakum ukat majakutamu min muheeki, bale uŋa’ majakaamu min uheek majakutamu.

Jíbooliwoo loon batuyaay bafañoole ŋáa’. Jihanken min jisuuwoo.

Jíbooliwoo li mal̥egen. Jitey majakut, ban kayinooluul feh li kulako kakaan majake.

Nokoomuu loon kayiliwuma, ban li ñooluul bale, jiloŋ li kásuumaay li bukanabuku feh.

Kufaalom kan iboolaat, jakum an akaanuul wah wajakut li jilukenoolo bukuluul humumuul, bale jikat etindihuuñayi yata Ateemit min ekaan bulokabu bata yo, mata li Bakiicelabu Amaaŋenawu lansaan ló: «Injé ilukenemuu, ínje icaamemuu.»

Jikaan bukan kajasowe, jakum jilako bukan káfal̥e. Jilok súf boot li Amaaŋenawu li buyinumuul feh.

Boot min ilobuul humum hata kájiyaku kan Ateemit asenommuu eenuul: Jakum an li bukuluul atebenoolo ajow áliiŋ tan áliiŋut, bale jiwalenoolo li mayineluul, naboo li buu Ateemit aliikumuu káyinenaku kan asenuulumuu kule.

Jakum an akaani majakut, li uluken. Jiŋes kakaan majake man bukanabuku feh koote kusal.

Jijokoo jile keb. Jakum jikaan bukan kayilo háamaketo, bale jiŋa’ uyinumuul jikaan li wah walewoo to. Jakum jijokoolo bukan kájallowe.

Amaaŋenawu lansaan foof: «Alatoolayi acaaletumuu, li usenool atiñ. Li bil nokoo loon bahob bujokool, li usenool ahob, mata ukaanumuu alatoolayi loon muñaˈa, fan nokoo loon kujek káwake lúwomenulo ukaanool li húkow.»

Jil̥aw Ateemit min ásooniyen bukanabuku kálaamenewuulumuu. Jil̥awool min ásooniyeniil. Jakum jil̥awool min akaaniil majakut. Jilako li ésuumansuum li bukanabuku kabajumuu ésuumansuum. Jil̥ok li bukanabuku kammuu li jíl̥ok.

Jilamben bukanabuku kata Ateemit kan jokiilumuu li wah, ban li jinaak jiyab bukan booluul.

Li mal̥egenamu, anoowan li alolaal labaje eniil yano. Eniilayi inyu ebaje wah wameeŋe, ban wah wanoowan wata yo ubaje bulokabu bata wo. Li manolamu, maayeet min umeeŋaalumuu, bale loonowaasoono eniil yano li hujokoolahu hoololaal li Kilisita, ban alolaal foofolaal feh lujokoolaajokoo loon wahawu feh wata eniil yano ujokoomuu.