Popular Bible Verses from Kata Galasi 6

Share

Jakum ukataal kakaan majake; mata ukatutaalumuu kakaan majake, nan hunakahu hommuu li húliiŋ, fan ubajaal kúwaagen kajake.

Mó mújimuu, muñeˈe nan uyiliyaamee, ukaanaal majake boot li bukanabuku feh, háŋum bukanabuku kan ubajaalumuu káyinen kano li Yéesu Kilisita.

Jilambenoo li bútebabu booluul. Jikaan momuu, jítuule jak eluwaayi.

Jakum jibuntoolo, Ateemit let akat an min ajokool loon esoŋ. Li mal̥egenamu, wah wan an awañe, wo foof láamimuu li acac.

An awañumuu wahawu wásuumumuu eniilayi, fan acac wahawu wan eniilayi ebukemuu. Wo wommuu eketayi. Bale an awañumuu wahawu wásuumumuu Buyinumabu Banabaabu, fan acac wahawu wan Buyinumabu Banabaabu bubukemuu. Wo wommuu buloŋabu bábaneliitumuu.

Kutuyom, nokoomuu loon an li bukuluul kujoke akila li kakaan wah wajakut, bukuluul jan Buyinumabu bata Ateemit bucolenemuu, li jílaañenulool li bútin bacole, ban li jikaan mo li buyinum bájoobiye. Ban di úkaanum, jakum bil awu humumi foof ulo li jabuutoo.

An ayinoomuu li aan akila an áamak laam, ban kama alet wahoowah, anawu ummu okila abuntoolowe. Anoowan laate ajuke makaanelamu moola. Ajuk tomuu wah wayilo újiwool li asaloolo, kama akila humumool li asaloolo, ban jakum akittenoolum li wah wan akee akaane. Li mal̥egenamu, anoowan laate ateb bútebool.