Popular Bible Verses from Kata Galasi 5

Share

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu, kájoobi buyinum, li hujokoo. Wahawu unwu feh, eluwaayi éhilut wó.

Boot min eenuul, jikat Buyinumabu Banabaabu min bucolen buloŋabu booluul. Jikaan momuu, let jimit jinab li kásiibowaku kata eniilayi yooluul.

Nokoomuu loon li Buyinumabu lúloŋumaale, lootaale ukataal Buyinumabu foof min bucolen makaanelamu moololaal feh.

Bukanabuku kata Yéesu Kilisita, kubambaaŋ li ekuluwaayi bóonowabu bajakutumuu bata eniilayi, boot li kásiibowaku kata yo ló.

Luhaasaale jak wahawu wan eniilayi ekaanemuu. Wo wommuu: húfulo li alet alet, ékandomaayiiñ, bucagayet, kamanen wah walet Ateemit, kakaan jángafayinde, búlatoo, úmuy, batahaay, etindihuuñ, búhaŋoo, búceeŋoo, bugiiloo, kásiibo wah, kákaliyenoo, kawuuhen, li wahawu feh wanokoomuu li wo. Boot min ilobuul ikat to, loon ilobeenuulumuu, bukanabuku kakaanemuu wahawu unwu, let kutowo Jáyiiyaju jata Ateemit.

Kutuyom, bukuluul Ateemit lahooñuuhooñ boot mata min jífu’ li humiikeeleto. Bale jakum káfulaku kooluul li emiikeeleto, kújiwuul li jinab li kásiibowaku kajakutumuu kata siniilasu sooluul. Bale húbooli hujow húji anoowan li bukuluul li anaak alok boot li afaalool li kawalenoolo ló.

Li mal̥egenamu, wahawu wan eniilayi ésiibowemuu, úbute li wata Buyinumabu. Buyinumabu wahawu wan búsiibowemuu úbute li wata eniilayi. Buyinumabu búbutoobutoo ŋáa’ li eniilayi. Wahawu unwu újimuu, jiyilaat jinaak jikaan loon súumuulumuu.

Li mal̥egenamu, Eluwaayi foof yo feh, li hulim hano bale eŋali kaan. Ho hommuu unhe: «Ufañ afaali an loon awu humumi ufañoolomuu.»

Jakum utebenaal ubandolaal, ban jakum unaak úgecoolaal. Jakum foof an li alolaal abaj wah, afaalool li atii.

Kilisita lafakenolaafaken mantee li úfulaal li mal̥egen li humiikeeleto. Kama jítuk tó lit, ban jakum jilaañen jiŋa’ humiikeeleto jikaanoolo.