Popular Bible Verses from EPHESUSMIKO 4

Share

Sülizo u Jihova ri Khrista zalü nüko küjo va küva kümha de humihu ngomüzhe, thülümünü, küjo va küprü mu khreü küprüyi.

Thülürünu, mününu, ulücho mu kükhrü süh humihu khrühi ba zoyi.

Dzü küsu pühyi po n talü prahi, veli kürünyimi thi n ve süyo küzhongokümüzhe lü dzü küveko poyi.

Nüko yolü mha kükhuko lükhulüdami kürhekütsü dzüküsu küpo mu külhakütsüko kha vayi.

Nüko nümo de küphoma thi vahi, nüko lü rüda de nace mülü vahi. Thürü küsuo ba müra hi.

Süna nüko vo küta külhükügwü-o, u swükütse kütsü müniko na u thimüsu vayo küzho zhoko rhü vate. Mu Ropü lü nüko lü yi thi küsayi. Mu Ukümünupü-e thiküsü kümatho mu küthotülü müsakütsü kümhathüma küsao khi bayi.

Ropü lü küzüh püh küthi mu küzühküve na u phapüh püh thi küva-ozüh süh tayite.

Mu pütho humi po apostle thi, humi po sadzuküsemi thi, humi podzüyiküve zhopomithi, humi po pastor mu kümüthami thiyite. Side kümüsako küsüh püh yitholü süde Khrista moo thi müzho yiküto na. Uko mütü po kümülü lü mu u Jihova nuo mhase lü püh thide velotsü kütsü thüma püh thiyi de Khrista zho küve dü thiyi küto na.

Side kümüthadzü tükhra kümha kütsüko, thüma kütsürü doko, küdove de miswü küdoyo küzho mharhüko po natsimi kümha de u swü püh licohico va kütsü thisa lhote. Veli Khristae u piyo thi küta züh de kükhrü süh küthoo püh pode mha mütü lü mümayi yo.