Popular Bible Verses from ROMAN 8

Share

Aro ili than-un do ke, inghosi Arnam yok nengdok do, anang kar-ih ateng taramo, anali phan ahuwit bor-eh kichok aphan inansi tikisi do.

Piyok pu tene ili Hemphu Jisu Khristo long Arnam nengdok, bangpo para kithi lale ajiubong, Arnam tharlon lale apharan, minon jong lale monphel yok alam, lale kihal ajakong, angsong lale aling, lale kamprek kithep-kichor abihini ta iliyok patikang un-eh, ne ladi krolpen do.

Labadisi Jiuli pota ili ki-un-eh along jakong rungdun do; piyok pu tene kanange amun pot badisi pingkit nange, bangpo ili chithan un-eh, manta Jiulisi abithang ili phan kithan nangne alamhel pen ar-emsi chingduk man.

Tene lamehel alam anat ili pot te puye? Arnam ili phan do, pu tene ingho ili ado kol une?

Lalong la-apotsi minon ke Jisu Khristo long kido abangke jatsi adai ingjongot.

A-ok long neng kachi-en abang ke akithi, manta neng along Ajiuli aneng kachi-en abang ajiubong aro nengsamdo.

Layong ta, iliyok nengdokpo parasi, labang ahuwit alam ili kihal yongta haldongsi do.

Iliyok potsi jortang chiklange, bangpo pen minon apor kiduk kapachingbar yok jat michangche pusi alekhot otman.

Khristo nengdok parake inghote iliyok patikang un-eh? Kiduk lale tongklak, honjat lale ka-ongkal, pe-rik kangwe lale kiprel, lale nokjir, lamehel patikang une ma?

Aro ajiuli kachironpo potne, bangpo ingthin katorol Arnamsi than-un do, piyok pu tene Arnam aneng ateng, anang kangthir adun hel aphan pingkit chingdukman.

Piyok pu tene konbak arleng Arnam ajiuli pen kengkam chijorman, labang ahuwit ke Arnam aso lo.

Piyok pu tene ingho a-ok ateng kido abangke a-ok abihini hel chironman, manta jiuli ateng kido abang ke ajiuli alam chironman.

Ingho si abithang Aso yok chibibe yongot, manta ili ahuwit aphan anangyok champi detno, anangsi ili yok ahuwit abihini ili pipe ye ma?

Labang Jiuli abithang, ili Arnam aso pusi, ili jiuli pen hakhi piman, aro aso chiplango, tene Khristo pen jortang kidoyok, bor-eh kihlonge aidot chiplango; lasi ili anang pen duk-chihi duno, tangsi ili Arnam bor-eh kihlonge aidot, aro Khristo pen bor-eh kihlonge aidot chiplango.

Piyok pu tene a-okpen kachiron ke, Arnam yok hutur doman; labangsi Arnam kanong arlo chipabekbe— chipabekso ta un-eh

Piyok pu tene Arnam aso hel wang kachiklang arniyok, kithep-kichor ajal dung ta chihasi inghongdo.

Piyok pu tene minon hok kithep-kichor ajal dungsi so kiplang abi badi aduk hlongsi, inan ar-emjeng si do hlongdo, bangpo ili chithan undo