Popular Bible Verses from ROMAN 6

Share

Piyok pu tene pap adatke kithi, manta Arnam kipi bor-eh ke, ili Hemphu Khristo Jisu parasi or-eh len ajiubong hlong do.

Piyok pu tene nali phuthak pap hal un-eh ye, piyok pu tene nali kanong arlo kalek, kajinso arlosi do.

La-apot Apa yok jortang padosi pot badi Khristo yok kithi asitem para pangthuro, ladisi ilita ajiu akimine kengkam chijornang, la-anat baptist kachiplang parasi anang pen kithidun aphansi ahilik long kibi badi chiplango.

Abithang abangpo aroremhel akangho katiki abihini badi pap asal long chipek ngek, manta abithang yok kithihel asitem para hreng hlongo pusi Arnam aphan, nali abang arorem hel yok dhorom kangthir asal abihini pusi Arnam yok chipek.

Ili ke aro pap aturu kalek, lasi pap abangpo chipanghon si, ili aban munusi poyok anang pen kros long tarduno, bangpo ili chithan un.

Lasi nalita Jisu Khristo long nang pap aphan ke akithi, aro Arnam aphan akihreng pusi alekhot en-no pune chiron.

Ili ke pot te punang? Arnam kajinso kihlong ayok ili pap tikisi donange ma? Ladi ke kalek. Ili pap alongke akithi, ili lalong aro pot badi hrengsi doye?

Kithi aphansi pap, lale dhorom kangthir aphan kithan alam kimeng, labang hini long nali bithangke kithan alam kimeng aturu badi chipekpe si, labang kithan alam hel mengsi anang aturu chiplangman, bangpo nali chithan un-eh yong ma?

Manta la-anat Arnam yok kardom pajirnang, aporong ke nali pap aturu kido, manta kachirli alamyok chipekngo, ingthin wakphlen si bangpomar kimengyok nali kithan alamthe arlo chiplango, aro nali ke, pap para joksi, dhorom kangthir amurkiya chiplango.