Popular Bible Verses from ROMAN 12

Share

Pirthepe badike chingbar dunek; la-apot dak bangposi Arnam ar-ih do nang archal langsi, lake potsi akime, aro kachideng ateng aro khanangpo pen neng akimine, angthin long neng chipharlep mot

Lasi, ei korte aro ingjirhel, Arnam ahuwit kajinso parasi ne naliyok chingduk bang, nali abithang abangpo akihreng, kangthir, aro Arnam kachideng buli karkli badi chipekngot; labangsi nali phan Jiulipen kachirdom nengpangsam man.

kachiha long nengrong chipado; kiduk-hap amun chipaning dingot; pingkit jongne donot

Akangho asalpen remresi, akime asal pensi kangho asal poyok parem mot.

korte-nengdok ihut para ihut yok chingdom pon; aman kipado alam long, ihutpo para ihutpo yok mechotne aman paklang

Nengdok ke khanang padonang; jipe kangho, bangpo simmot, akime poke enponnot

Un putang tene, nali ki-un ateng ahuwit arleng pen ching barne donot.

Ei nengdok hel, nali ka-ongnai hel paduk dun nek; manta Arnam akang ayok chipek ngot; piyok pu tene lo-kangthir long kiwi do, “Hemphu pudo, ne si ajar hule, ne si katiki angban ta piye.”

mesone sal katiki amun kaselep wanek; ajiuli long chirdom pame not; Hemphu murkiya asal tikinot

piyok pu tene neyok kipi kajinso parasi ne nali abangten yok pubang, me-at kachiron aphel kaita anang thekchot puke chiron ponek; manta Arnam inghoyok jipe apun atengsi kikrol po pilo, anang latengne anang lamthe hel chiron pamenot.

Akangho aholan kaiyok ta kangho tiki ponek; ahuwit arleng kithek ke jipe akime, bangpo chironot.

Nali ihut para ihut chingbar si arjap-pachip. Kaborai alam chironek, manta akibek hel ateng kengkam chijordun. Abithang yok thekchot chipuyek.

Manta “Nang huturpo ingchir do, tene anang yok an-pacho pon; anang lang ikdo, tene anangyok lang pajunot; ladi tikilo apot, anang phulong kikar angkri kibat badi tharak nge.”

Inghosi naliyok honjat langman, analiyok bor-eh pajir; hao pipesi bor-eh batdun. Inghosi nengrong chipado do, analipen nengrong chipadodun; ingho si suruman, analipen surudun.

kangthir adun helyok kanange amun banta rap dun, don kachingden pamepon.

Piyok pu tene ili isi abangpo longsi, ili jibadi ako-ong prek-prek abang po arorem do, layongta labang ahuwit arorem isidet badi sal tikike, ladisi ilita, ako-ong yongta, Khristo longke isi abangpo chiplang do, aro abangten isi para isiyok abangpo arorem chiplangsi do.