Popular Bible Verses from ROMAN 1

Share

Piyok pu tene kime-alamthe pen ne tharakre; abangten kichengke Jihudi, la-aphel Grik hel yok, kikrol abangten ayok kakijok aphan Arnam ajakong do.

Piyok pu tene Arnam dhorom kangthir kikrol para kikrolyok chiklang do; labang alam ladisi wido, “Dhorom kangthir po kikrol parasi hrenge.”

Pirthepe kasanse arni para, anang athok-agor pachini un-ehsi dolo, anang ki-or-eh ajakong aro agun, bihini hel along paklang dakngo, lasi anali jokje ye.

Piyok pu tene anali Arnam yok thek yongta, Arnam badi jortangpo yok kardom pajir thekthe yongo; manta anali bithang adak lam kachingje hel chakche pholo, aro anali nengchiwak phlen thekthe si aneng hel pangtingo.

Anali Arnam khanang yok asisik pen holelo, aro kithep-kichor po aholan kasanse abihini long chirdomo aro labang asal tiki pono; kithep-kichor poyok mo-moyok kardomo. Amen.

Piyok pu tene ahuwit pap tikisi, labang arleng hel khanang poyok tengman, labang arleng kikrol pangho detno aro pap katiki ado aphuthak si, Arnam akangpo ethakpe para chiklango.

Lasi, Arnam lahelyok aman kangwe det kar-ih along pek detno; anali arlosohel abithang kanange alok tikangsi, kamprek kanangne alok chi-en phakngo. Ladisi apenso helta abithang kanange arloso alok tikangsi, ihut para ihutyok kidoner aneng dophak si apenso hijanyok katharak asal tikisi, anali bithang yok kachichobe anat kanangne angban chiwano. Jibadi anali abithang anengten Arnam acho lamthe agiyan en-eh yongot, ladisi Arnam ta lahelyok, kanangne asal katikiyok, kikrolkre anengyok champi detno.

Abithang yok thek-at paklang si, anali mangojo chiplango. Aro kiprel arleng, wo, akeng hong-phili okpe, okthe, kiklim apei aro kangjar awohel athok-agor agoya hel pensi Arnam ajortang yok pharlep mo.