Popular Bible Verses from MATHAIA 23

Share

Nin lâia â roinpui tak chu nin isom a nit rang a nit.

Tutu om ilian kah chu tlôm an ta, om itlôm kah chu inlutin om an ti.

“Nangni Dân inriseitu neh Farisai vârrilethei o, nin chung ân khôk e! A zoro oma vâng ngai chimu loinamsiahei, lêngisêrhei neh roikokhei tena khom sômka khatkah nin pêk ngai a; khanniseh, Dân inriseina â lu ual, felna hei, khorngaina hei neh iamomna hei izôm rangin chu uksak ngai mak chei. Hihei hih kêng nin zôm rang chu ai nit, a danghei khom iṭhûl ual loiin.

“Nangni Dân inriseitu neh Farisai vârrilethei o, nin chung ân khôk e! Nin kilât neh nin khêng putiang nin infâi a, a sungtiang chu leprûkna neh ridîn nonan ai sip a nit.

“O Jerusalem, Jerusalem, zânthlahei ithat a, Pathianin ni zianga mi a zuang itirhei lunga dêng thattu! Ârpuinûn a tehei arthla nuaia ai op bûm ngai angkan ni naihei voi izâkah iop bûm rang ki tum a, khan laka nuam mak che.

Nangni khom ama angkah khan mi tin mitmuah putiang chu â ṭha angkan nin ilang a; khanniseh, nin sungtiang chu vârriletna neh sualna sip a nit.