Popular Bible Verses from MATI 24

Share

Rulnam agére bojékolok ayabosuname ansiyéku, idakkom séko edíípe yéyinlope duuyédí bí turyé.

Delokke sim teyong yéta sokke ngiitomem tani among tabuso opín opínlo hakiipe poying gooyé, delokrongem yéyin longe pííyé.”

Nolu mimagem tatyé, delokke mimak idunaike emnam gomtíngem tatpayé, idakkom nolu kénsulangka nolu pesue emla míípenam kamang. Sikena atíkídí de kaperung aido, idakkom yéyin longe píímangada.

Opín opíne akmín surepyé, delokke doolu doolunge akmín sulenyé. Among regolo díríkeno delokke mooton taron mílí iyé, Si takam si okii kilene.

Among talenge nyokyé, idakkom ngokke agom kídísi nyokyimayé.

Kapeila deddína amie ngokke amínlok, ‘Ngomin Kristo bí’ emla deddínem yadyé.

“Delokrongem nolum iréé sinyokolo delokke sipe kolo melíkyé, delokke nolum opín takame ngok legalok belumyé. Dekepe iyém bosi amie míngke lokke ngéélat suyéku delokke mirulo yadlíkyé; mipile kangki bosuyé, delokke delo mena kotoki kídíe lenyé delokke deddína amiem yadyé.

Jisu bí pobito, “Sékote nolum yadmadope ansulangka.

Dekepe iname nolu leemosula duuperung aido, kapeila Tanike Ue noluke míínam sudímang moodílo angkupeke.

“Delok legape orol langka, kapeila edílo noluke Ruutum bí aayékudí, dem nolu kénsumang.

“Sékote aadípakku longem demangkom gontem kénmang, teyong kotoki kídí ekom kénmang, demangkom Uekom kénmang, idakkom Abu petome kénsudung.

Kapeila menamlok Kristo emsune delokke mena kotoki kídíe lenyé, delokke bottena iyodem delokke irisinyuem ibola ullennam amiemte paklamílo yadyé.

Noahke yédo longe kídídelo, kape ituadí, dekepe Tanike Oolokke aadíku longemte iyé. Legade puumu kerang longe kídídelo, ami kídíe dola tííla delokke omum nyameng ibosula delokke nyamran ila, Noahke etkunglo aado longe deloope ito; delokke bulum puumue aabomla yuyin bommang adape bulu kape iyédí dem atí kénmangai. Dekepemin Tanike Ue aadokuem iyéne.