Popular Bible Verses from ROM 1

Share

Niimpalukoda ngo hiinyañma ayapuyu pa: siikasi Pinii ka harchichike hikha koneabi paka sangopyako hutiina henje nyadonii, kapyopa Jew pa ho Grik patrḛ.

Niimpalukoda siikaso Pinii ka denki mi kakiñdo henjelo henjenii atañpa; hiila ketola do, “Hukiihona henje giidonii denki lo sankiñ doke.”

Dohadolo mika pubii jaho hokii mohka kapalama nii henjuhii, myando koda, mohka lyulamasanii harchichike la piniiaju hii, kadḛrpa kakiñ tola do drih puniiñ atañ ho. Hopa mohlumi hello lakiñma

mohlu Pinii mi chinsuda hojalo mohlu Pinii mi khiima malo mohmi payapacho luma, ho mohlu mohluka henjuho gonduama ho mohluka piigoamanii henju hii kamo giida.

niimpalukoda mohlu jije Pinii ka piigo mi amuhlo liisu biido ho heriinyada ho miihonyada putolaka donii miya, Puniibomika hensa niimi, huna ayu dahepa lyakiñ donii! Amen.

Niimpalukoda Pinii ka hadii hii yapuñ hokii kakiñ kendo hikha henjemanii atañ la diimmah miyu atañmi hutiina mohluka demma lo jijemi nampi biidonii.

Niimpalukoda siika piigopake Pinii mohlumi kahpa biinenii khiimanii henjuho. Mohluka nyimii atañ dumiñhenju miya opalala hensamanii yamiya herii nyada, ho milobo atañ tiirḛ hiichulipa dumiñka nyimii atañ agiñ hoka hensu niimiya opa lala ho mohlu anyañ ya hensu nyada, milobo atañ hiinyañ manii loda miinyada milobo agiñho ho mohlu mohluka miigyopa kapa kendoke mohluka miikha kopa. Ho mohlu Pinii mi lukodopa lyima lyiniiñ; Pinii mohlumi kahpa biido piigo giimanii henjuho ho miidimako miijuluju ho.

Piibi lusudo, mohlu piicha paya lyido, ho shiilamanii Pinii ka tatukatu mi puchinii ajju paya liibiido, miyukapu malo piita malo achu-amyo malo tabutiyyo kapu pulala.