Popular Bible Verses from Loos 8

Share

Peb paub tias Vajtswv siv txhua yam uas tshwmsim los ua yam zoo pub rau cov uas hlub Nws, cov ntawd yog cov uas Nws tau hu los rawsli Nws lub homphiaj.

Rauqhov kuv paub tseeb hais tias yeej tsis muaj ib yam dabtsi uas yuav cais tau peb tawm ntawm Vajtswv txoj kev hlub li: txawm yog kev tuag lossis kev muaj sia nyob, cov timtswv lossis cov uas muaj hwjchim kav saum nruabntug, nimno lossis yav tomntej, saum nruabntug lossis hauv nruab tivtxwv, yeej tsis muaj ib yam uas yog Vajtswv tsim es yuav muaj peevxwm muab peb cais tau tawm ntawm Vajtswv txoj kev hlub uas nyob rau hauv Yexus Khetos tus uas yog peb tus Tswv kiag li.

Ib yam nkaus li ntawd, thaum peb tsaugmuag Vaj Ntsujplig los pab peb. Rauqhov peb tsis paub tias peb yuav thov yam twg, tiamsis Vaj Ntsujplig yog tus thov Vajtswv pab peb ntawm lub suab ntsaj laws uas tsis muaj leejtwg yuav piav tau.

Yogli ntawd, peb yuav hais licas txog tej no? Yog Vajtswv tuaj peb tog lawm, leejtwg tseem yuav tawmtsam tau peb?

Nimno tsis muaj kev rautxim rau cov uas nyob rau hauv Yexus Khetos lawm.

Tus uas cia sab nqaijtawv ua tus tswj nws, thaum kawg nws yuav raug kev ploj kev tuag, tiamsis tus uas cia Vaj Ntsujplig ua tus tswj nws, thaum kawg nws yuav tau txojsia thiab kev thajyeeb.

Tiamsis txawm yogli ntawd los, Khetos tus uas hlub peb, twb pab peb kovyeej txhua yam ntawd huv tibsi lawm!

Kuv suav hais tias txoj kev txomnyem uas tamsim no peb raug yeej piv tsis tau tus tshwjchim ci ntsa-iab uas Vajtswv tseem yuav pub rau peb yav tomntej no.

Leejtwg tseem yuav cais tau peb tawm ntawm Khetos txoj kev hlub thiab? Teebmeem puas cais tau, lossis kev nyuajsiab, kev tsimtxom, kev tshaib nqhis, kev tsis muaj khaubncaws hnav, kev txhawj-ntshai, lossis kev ploj kev tuag puas cais tau?

Vajtswv tus uas pom mus rau hauv peb lub siab, yeej paub txog Vaj Ntsujplig tej kev xav; rauqhov tej uas Vaj Ntsujplig thov pab rau Vajtswv cov neeg, tej ntawd yeej rawsli Vajtswv lub siab nyiam.

Cov uas cia Vajtswv tus Ntsujplig ua tus coj, cov ntawd yog Vajtswv cov menyuam.

Cov uas ua lub neej rawsli sab nqaijtawv, cov ntawd yeej xavntsoov rau tej uas sab nqaijtawv ntshaw. Tiamsis cov uas ua lub neej rawsli Vaj Ntsujplig, cov ntawd yeej xavntsoov rau tej uas Vaj Ntsujplig lub siab ntshaw.

Vajtswv yeej tsis cawm Nws tus Tub, tiamsis Nws muab Nws tus Tub los theej peb sawvdaws lub txhoj! Nws twb pub tau Nws tus Tub, es Nws tseem yuav muab tsis tau txhua yam pub dawb rau peb thiab no lov?

Vajtswv tus Ntsujplig nrog rau peb tus ntsujplig ua timkhawv hais tias peb yog Vajtswv cov menyuam. Vim peb yog Vajtswv cov menyuam lawm, peb yuav tau txais tej koobhmoov uas Nws npaj tseg rau Nws haivneeg, thiab peb yuav tau nrog Yexus Khetos txais tej uas Vajtswv tau npaj tseg rau Nws lawm thiab; rauqhov yog peb twb nrog Khetos koom Nws txoj kev txomnyem lawm, peb yeej yuav tau nrog Nws koom Nws tus tshwjchim uas ci ntsa-iab thiab.

Cov neeg uas cia sab nqaijtawv ua tus tswj lawv, cov ntawd ua yeebncuab rau Vajtswv; rauqhov lawv tsis ua rawsli Vajtswv txoj kevcai, qhov tseeb tiag, lawv yeej coj tsis tau rawsli txoj kevcai ntawd.

Ibpuas tsavyam uas Vajtswv tsim, yeej tosntsoov hnub uas Vajtswv yuav qhia txog Nws cov menyuam.

Peb paub tias txij thaum ub los txog niajhnub no, ibpuas tsavyam uas Vajtswv tsim ntsaj ntsoogqees nrog txoj kev mob, ib yam li tus pojniam uas mob plab yuav yug menyuam.