Popular Bible Verses from Filipis 3

Share

Cov kwvtij, kuv tsis xav hais tias kuv twb tau txais qhov ntawd lawm; tiamsis muaj ib yam uas kuv ua, yam ntawd yog tsis txhob xav txog yav tas los lawm, tiamsis rausiab ntso mus kom txog yam uas tseem nyob tom hauvntej. Yogli ntawd, kuv thiajli khiav ncajnraim mus rau tus ciam tom kawg kom kuv tau qhov nqizog uas Vajtswv tau hu kom kuv los txais hauv Tswv Yexus nyob saum ntuj ceebtsheej.

Qhov uas kuv xav tau tshajplaws yog kuv xav paub Khetos thiab xav saj lub hwjchim uas ua rau Nws sawv hauv qhovtuag rovqab los, xav muaj feem koom nrog Nws raug kev txomnyem thiab xav tuag zooli Nws, uas ciasiab hais tias Vajtswv yeej yuav tsa kuv sawv hauv qhovtuag rovqab los.

Tshaj qhov ntawd thiab, kuv suav hais tias txhua yam tsis muajnqis li lawm, vim kuv tau yam uas tseem muajnqis heev dua tej ntawd; yam ntawd yog qhov uas kuv los paub Yexus Khetos tus uas yog kuv tus Tswv. Kuv saib tej ntawd zoo ib yam li tej liamsim lawm xwb, kuv thiajli muab txhua yam povtseg huv tibsi kom kuv thiaj tau Yexus Khetos

Tiamsis txhua yam uas yav tas los muajnqis rau kuv, nimno kuv suav hais tias tej ntawd tsis muajnqis lawm, vim kuv xav rau Yexus Khetos lawm xwb.