Popular Bible Verses from Yaxayas 9

Share

Muaj ib tug Menyuam tau yug los rau peb lawm! Muaj ib tug tub tau raug muab pub rau peb lawm! Nws yuav ua tus kav peb. Nws lub npe yuav hu ua, “Tus Tuavxam uas muaj Tswvyim,” “Vajtswv tus muaj Hwjchim,” “Leejtxiv uas Nyob Mus Ibtxhis,” “Vajntxwv Leejtub uas muaj kev Thajyeeb.”

Cov neeg uas taug kev tsausntuj nti, twb pom ib lub teeb uas ci pomkev kajnrig lawm. Lawv nyob hauv lub tebchaws uas tsausntuj nti, tiamsis nimno tshavntuj ci kajnrig rau lawv lawm.

Nws txoj kev tswjhwm yuav tsis paub kawg; Nws txoj kev thajyeeb yuav tsis paub xaus. Nws yuav nyob saum Daviv lub zwmtxwv kav thoobplaws nws lub tebchaws. Nws yuav txhimkho lub tebchaws, thiab tswjhwm mus rau qhov tseeb thiab ncajncees txij no mus ibtxhis tsis kawg. Tus TSWV uas muaj Hwjchim Loj Kawg Nkaus yuav ua tej no kom tiav.

Txhua nkawm khau uas cov tubrog rau thiab lawv cov ristsho uas lo ntshav yuav muab sau huv tibsi coj mus hlawv.

Txawm li ntawd los yuav tsis muaj kev nyuajsiab rau cov neeg uas twb raug kev txomnyem ntawd ntxiv lawm. Yav tas los Nws tau coj kev txajmuag los rau xeem Xenpuloos lub tebchaws thiab xeem Nathalis lub tebchaws, tiamsis yav tomntej no mus, txij ntua ntawm ntug Hiavtxwv Meditelanees sab hnubtuaj mus txog ntua lub tebchaws uas nyob sab ntug dej Yauladees tim ub, thiab pem Kalilais uas cov neeg txawv tebchaws nyob, Nws yuav ua kom lawv rov tau ntsejmuag.

Tus TSWV, Koj tau pub lawv muaj kev zoosiab heev, Koj pub lawv tau zoo nyob kajsiab lug. Lawv zoosiab kawg rau tej uas Koj tau ua, ib yam li cov neeg uas zoosiab thaum sau qoobloo, lossis thaum lawv faib tej khoom uas mus txeeb tau los tomqab lawv yeej rog.

Rauqhov Koj twb muab tus quab uas hnyav heev saum lawv xubpwg lov thiab muab tus nplawm uas luag nplawm lawv nrobqaum lov lawm. Koj tau kovyeej lub tebchaws uas tau caijtsuj thiab yuam Koj haivneeg, ib yam li Koj tau kovyeej Midias cov tubrog ntau xyoo dhau los.