Popular Bible Verses from Yaxayas 6

Share

Ces kuv hnov tus TSWV hais tias, “Kuv yuav txib leejtwg mus? Leejtwg yuav ua tus sawv peb cev mus?” Kuv thiaj teb tias, “Kuv nyob ntawm no! Thov txib kuv mus!”

Lawv ib tug hais rau ib tug tias: “Dawbhuv, dawbhuv, dawbhuv! Tus TSWV uas muaj Hwjchim Loj Kawg Nkaus yog tus dawbhuv! Nws tus tshwjchim ci ntsa-iab puvnkaus lub ntiajteb.”

Kuv hais tias, “Kuv yeej tsis muaj chaw ciasiab hlo li! Kuv yuav raug kev puastsuaj lau! Rauqhov txhua lolus uas tawm ntawm kuv daim dincauj mus yeej tsis huv, thiab kuv ua neej nrog ib cov neeg uas hais txhua lolus uas tsis huv. Txawm li ntawd los kuv lub qhovmuag tau pom tus Vajntxwv, uas yog tus TSWV muaj Hwjchim Loj Kawg Nkaus lawm.”

Xyoo uas Vajntxwv Uxiyas tuag, kuv pom tus TSWV. Nws nyob saum Nws lub zwmtxwv uas nyob siab heev, thiab Nws lub tsho ntev nthuav puvnkaus hauv lub Tuamtsev.

Nws muab twb rau kuv ob daig dincauj thiab hais tias, “Lub ncaigtaws no tau chwv koj ob daig dincauj lawm; zaumno koj lub txim raug muab rho mus lawm, thiab koj tej kev txhaum twb raug zam tas lawm.”

Muaj ib co xelafees sawv puagncig Nws; ib tug xelafees twg muaj rau phab tis. Ob phab tis npog ntsejmuag, ob phab tis npog lub cev, thiab ob phab tis ya.

Ces txawm muaj ib tug xelafees ya los rau ntawm kuv, nws muab ciaj tais tau ib lub ncaigtaws cig liabploog ntawm lub thaj nqa los.

Yogli ntawd Nws thiaj hais rau kuv tias, “Koj ciali mus thiab hais rau cov pejxeem sawvdaws li no: ‘Nej mloog tas mloog thiab, los yeej tsis totaub. Nej saib tas saib thiab, los yeej tsis paub li.’ ”

Ces nws hais rau kuv tias, “Ciali ua kom haivneeg no lub siab ruam qhwv, pobntseg lag, thiab qhovmuag dig, kom lawv thiaj tsis pomkev, tsis hnov lus, thiab tsis totaub. Yog tsis ua li ntawd, nyobtsam lawv ho tig los cuag Kuv ces lawv ciali zoo lawm.”