Popular Bible Verses from Yaxayas 49

Share

Yogli ntawd, tus TSWV thiaj teb tias, “Puas muaj ib leejniam uas ciali hnovqab tus menyuam mos ntawm nws lub ntiag, thiab ciali tsis hlub tus menyuam uas nws yug? Txawm yog leejniam hnovqab tau nws tus menyuam los xij, Kuv yeej yuav tsis hnovqab koj ib zaug li.

Yeluxalees, koj saib maj, Kuv twb muab koj lub npe saum rau hauv Kuv ob lub xibteg lawm. Koj yeej nyob rawv hauv Kuv lub siab.

Tus TSWV teb tias, “Txawm yog cov uas raug cov tubrog ntes, los Kuv yuav mus tso lawv los; thiab tej khoom uas cov neeg limhiam huab tau, los Kuv yuav mus muab los huv tibsi. Kuv yuav tawmtsam cov neeg uas tawmtsam koj, thiab Kuv yuav cawm koj cov menyuam kom dim.

Tus TSWV hais rau kuv tias, “Kuv tus tubtxib, Kuv muaj ib tes haujlwm loj dua yav tas los rau koj. Tsis yog koj yuav ua rau cov Yixalayees uas tseem seem nyob, rov vammeej tshaj qub xwb, tiamsis Kuv yuav ua kom koj yog lub teeb rau txhua haivneeg, kom txhua tus neeg hauv ntiajteb muaj kev cawmdim.”

Lub ntuj, ciali hunkauj! Lub ntiajteb, ciali qw zoosiab! Cia tej tojroob hauvpes tsa suab hunkauj! Tus TSWV yuav nplig Nws haivneeg siab; Nws yuav tabncuab Nws haivneeg uas raug kev txomnyem.