Popular Bible Verses from Chivkeeb 45

Share

Nimno nej tsis txhob txhawj lossis chim rau nej tuskheej txog qhov uas nej muab kuv muag los rau ntawm no. Yeej yog Vajtswv txib kuv ua nej ntej los, thiaj cawm tau neeg txojsia.

Nej tsis yog cov uas xa kuv los rau ntawm no, tiamsis Vajtswv yog tus uas xa kuv los! Nws yog tus tsa kuv ua Falaus ib tug nom uas loj tshajplaws. Kuv yog tus uas saib tagnrho Falaus tej vajtse thiab kav tagnrho lub tebchaws Iziv no.

Vajtswv txib kuv ua nej ntej yog los pab cawm nej ua ib haivneeg nyob rau hauv lub ntiajteb no, kom thiaj yuav ceev tau nej thiab nej li cajces kom muaj sia nyob.

Yauxej hais rau lawv tias, “Nej ciali txav los ze-ze kuv.” Lawv thiaj txav zog los rau ntawm nws, thiab nws hais rau lawv tias, “Kuv yog nej tus kwv Yauxej uas nej muab muag rau hauv tebchaws Iziv.

Tej kev tshaib nqhis no, xyoo no nyuamqhuav yog xyoo thib ob xwb, tseem tshuav tsib xyoos tomntej no ntxiv, mas yuav tsis muaj leejtwg cog thiab saum tau qoobloo hlo li.

Yauxej hais rau nws cov kwvtij tias, “Kuv yog Yauxej ntag. Kuv txiv puas tseem muaj sia nyob?” Thaum nws cov kwvtij hnov nws hais li ntawd, lawv ntshai heev ua rau lawv teb tsis taus ib los li.