Popular Bible Verses from Chivkeeb 37

Share

Muaj ib hmo Yauxej txawm ua npausuav, thiab thaum nws qhia zaj npausuav ntawd rau nws cov tijlaug mloog tag, ua rau lawv hajyam ntxub nws heev ntxiv.

Tagnrho Yakhauj cov tub, mas nws hlub Yauxej tshaj, rauqhov nws muaj Yauxej thaum uas nws twb laus lawm. Nws xaws tau ib lub tsho ntev uas muaj npab rau Yauxej hnav.

Thaum Yauxej cov tijlaug pom tias lawv txiv hlub Yauxej tshaj lawv lawm, lawv thiaj ntxub nws heev, txog qhov uas yeej tsis xav hais ib lolus zoo rau nws li.

Dhau ntawd Yauxej rov ua dua ib zaj npausuav thiab nws qhia rau nws cov tijlaug mloog hais tias, “Kuv rov ua ib zaj npausuav hais tias kuv pom lub hnub, lub hli thiab kaum-ib lub hnubqub txawm ntsaub los hawm kuv zomzaws.”

Yauxej cov tijlaug txawm khib nws heev, tiamsis nws txiv xavntsoov txog zaj npausuav ntawd rau nruabsiab.

Nws hais tias, “Nej mloog kuv zaj npausuav no seb. Peb sawvdaws tabtom pav peb cov tes nplej nyob hauv teb, kuv tes nplej txawm sawv ntseg ntsees tiamsis nej cov txawm sawv vijvog kuv tes thiab ciali qhau zomzaws los hawm kuv tes nplej.”

Zaumno, peb muab nws tua povtseg thiab muab nws coj mus pov rau hauv cov qhovtshij qhuav no ib lub. Peb mam dag hais tias muaj ib tug tsiaj nyaum muab nws tom lawm, seb nws tej npausuav yuav tshwm tuaj licas!”

Thaum cov tublag tubluam tus puav uas yog neeg Midias dhau kev tuaj, ces cov tijlaug thiajli rub Yauxej tawm hauv lub qhovtshij los thiab muab nws muag rau cov Yisamayees ua 20 lub txiajnyiag, ces luag thiaj coj Yauxej mus rau tebchaws Iziv lawm.

Lawv ib leeg hais rau ib leeg tias, “Tus nyuag uas txawj-txawj ua npausuav ntawd tuaj lawm lau!

Thaum lawv pom Yauxej tseem nyob deb thiab tuaj tsis tau txog, lawv txawm tuavhauv yuav muab Yauxej tua povtseg.

tiamsis cia peb muab nws pov rau hauv lub qhovtshij uas nyob ntawm roob mojsab qhua no xwb, tsis txhob ua kom nws nqaij ntuag ntshav nrog.” Lunpees hais li no, rauqhov nws xav cawm kom Yauxej dim ntawm lawv thiab tso nws rov mus cuag nws txiv.