Popular Bible Verses from 2 Kevcai 4

Share

Thaum nej mus nyob li ntawd, yog nej nrhiav tus TSWV, uas yog nej tus Vajtswv, kawg nej lub siab lub ntsws, nej yeej yuav ntsib Nws xwb.

Nws yog tus Vajtswv uas muaj kev tabncuab; Nws yuav tsis tso nej tseg lossis ua rau nej puastsuaj, thiab Nws yuav ncontsoov tej lus uas Nws tau cogtseg rau nej cov yawgkoob lawm.

rauqhov tus TSWV, uas yog nej tus Vajtswv, zoo yam li tej nplaimtaws uas cig laim lias, Nws khib nej heev, Nws yuav tiv tsis taus qhov uas nej mus pehawm tej mlom ntawd.

Nej yuavtsum ceevfaj zoo thiab ncontsoov tej uas nej qhovmuag pom no mus tas nej simneej! Yuavtsum muab piav qhia rau nej tej tubki thiab tej xeebntxwv mloog

Yogli ntawd, nej yuavtsum ncontsoov hnubno rau nruabsiab hais tias, tus TSWV yog tus Vajtswv uas nyob saum ntuj thiab hauv ntiajteb. Tsis muaj lwmtus Vajtswv li lawm.

“Tsis muaj ib haivneeg twg, txawm lawv yuav loj npaum licas los xij, uas muaj ib tug tswv nyob ze lawv thiab pab lawv yam li tus TSWV uas yog peb tus Vajtswv, nyob ze peb thiab pab peb. Thaum twg uas peb tsa ncauj thov Nws, mas Nws yeej pab peb.

Thaum nej raug kev txomnyem ntxhovsiab thiab muaj tej xwm no los raug nej, thaum ntawd nej yuav tig rov los cuag tus TSWV thiab mloog Nws lus.

Tsis txhob ntxiv ib lolus lossis rho ib lolus tawm ntawm tej lus xaaj uas kuv hais rau nej. Yuavtsum ua rawsli tus TSWV, uas yog nej tus Vajtswv tej lus xaaj uas kuv tau hais rau nej lawm.