Popular Bible Verses from Kaulauxais 2

Share

Vim nej twb txais yuav Yexus Khetos los ua nej tus Tswv lawm, nej yuavtsum rausiab ntso ua nej lub neej kom phim qhov uas nej nrog Nws koom ib txojsia. Yeejmeem cog nej cov cag kom tob rau hauv Nws, ua nej lub neej rau saum Nws, muab siab rau ntseeg kom ruaj-khov rawsli tej uas nej twb kawm los lawm, thiab puvnpo txoj kev ua Vajtswv tsaug.

Nej yuavtsum ua tibzoo saib, tsis txhob cia leejtwg ntxias tau nej poob mus ua qhev los ntawm tej zaj uas tsis muaj hauvpaus hauvntsis thiab tej lus dag uas yog neeg tej kev txawjntse. Tej zaj ntawd yog los ntawm tej uas neeg ibtxwm qhia ib tiam dhau ib tiam los, thiab yog los ntawm tej kevcai uas kav lub ntiajteb no xwb, tsis yog los ntawm Yexus Khetos los.

Yav tas los, nej sab ntsujplig twb tuag lawm vim nej ua txhaum thiab vim nej yog Lwm Haivneeg uas yeej tsis muaj txoj Kevcai kav. Tiamsis nimno Vajtswv twb coj nej los nrog Khetos koom ib txojsia lawm. Vajtswv twb zam peb lub txim huv tibsi; Nws twb muab tej ntaub ntawv uas peb tshuav nqi nrog rau tej kevcai nruj uas kav peb dua tag huvsi thiab Nws twb muab tej ntawd ntsia rau saum ntoo khaublig lawm.

Rauqhov Vajtswv tus yamntxwv yeej muaj nyob tagnrho rau hauv Khetos uas tau los yug ua neeg, thiab Vajtswv twb pub rau nej los muaj lub neej puvnpo koomxeeb nrog Yexus Khetos lawm. Yexus Khetos yog tus uas muaj hwjchim loj dua txhua yam ntsujplig uas kav saum nruabntug thiab hauv ntiajteb no huvsi.

Yogli ntawd, tsis txhob cia leejtwg thuam nej txog kev noj kev haus, lossis hnub twg thiaj yog hnub dawbhuv, lossis ua koobtsheej nco txog hnub hli xiab, lossis hnub Xanpataus. Txhua yam ntawd tsuas yog ib tug duab ntxoovntxoo uas qhia txog tej uas yuav muaj tshwm los rau yav tomntej xwb, qhov tseeb tiag-tiag ces yog Khetos.