Popular Bible Verses from 1 Timautes 2

Share

Rauqhov tsuas muaj tibtug Vajtswv xwb, thiab muaj tibtug uas nyob nruabnrab ntawm Vajtswv thiab neeg xwb, tus ntawd yog Yexus Khetos tus uas los yug ua neeg, uas tau muab Nws txojsia los theej tagnrho sawvdaws lub txhoj. Qhov ntawd yog yam uas ua timkhawv qhia nyob rau lub sijhawm uas tsimnyog ntawd hais tias, Vajtswv xav kom txhua tus muaj kev dim txim.

Uantej txhua yam huvsi, kuv thov nquahu kom nej yuavtsum thov Vajtswv pab cov uas muaj kev cheemtsum, ib leeg thov Vajtswv pab ib leeg, thov Vajtswv pub rau txhua tus, thiab nej yuavtsum ua Vajtswv tsaug rau txhua yam uas nws tau ua rau sawvdaws lawm. Thov Vajtswv pab tej vajntxwv thiab tej nomtswv txhua qib, kom peb thiaj yuav muaj lub neej nyob ntsiag twb to thiab tau zoo nyob kajsiab lug uas puvnpo txoj kev hwm Vajtswv thiab txoj kev tau ntsejmuag.

Txhua zaus uas sawvdaws tuaj nyob uake pehawm Vajtswv, kuv xav kom cov txivneej yuavtsum tsa tes thov Vajtswv los ntawm lub siab dawbhuv, uas yeej tsis muaj lub siab npautaws rau leejtwg lossis tsis nrog leejtwg sibcav sibceg. Kuv xav kom cov pojniam los yuavtsum hnav tsoostsho kom du-dais, hnav kom zoo saib thiab hnav tej uas tsimnyog hnav; tsis yog yuav ntxias plaubhau lossis coj tej hlaws lossis hnav tej tsoostsho uas kim-kim xwb, tiamsis yuavtsum ua qhov zoo xwb thiaj tsimnyog qhov uas lawv hais tias lawv tuaj pehawm Vajtswv.