Popular Bible Verses from Iakopo 5

Share

O le mea lea, ‘ia ‘outou fefa‘aalia‘i a ‘outou agasala ma ‘ia tatalo le isi mo le isi, ‘ona fa‘amālōlōina lea o ‘outou. O le tatalo fa‘atauānau a le tagata amiotonu e aogā tele.

‘Ua puapuagātia ‘ea se isi o ‘outou? Inā tatalo ia. ‘Ua fiafia ‘ea se isi? Inā pese ia.

‘Āfai e maua le fa‘atuatua e i latou o ē e tatalo ‘ona fa‘amālōlōina ai lea o le tagata ma‘i, o le a fa‘atūina fo‘i o ia e le Ali‘i mai lona moega; ‘āfai fo‘i na faia e ia se agasala, o le a fa‘amāgaloina lava o ia.

‘Ua ma‘i ‘ea se isi o ‘outou? Inā vala‘au atu ia i toeaina o le ekalesia ‘ina ‘ia tatalo i latou mo ia, ma fa‘au‘u ‘iā te ia i le suāu‘u i le suafa o le Ali‘i.

‘ia iloa e ia, o lē na toe fa‘afo‘i mai le tagata agasala mai le sesē o ona ala, o le a fa‘aolaina e ia le agaga o lenā tagata mai le oti, e ufiufi fo‘i i le tele o agasala.