Popular Bible Verses from Phaodaiq 3

Share

Hel daiq dei-eiq, ngal lolgov bhai thul phaol khi kov thail thaiq nail ngaol. Ngaq nail daoq gaiq khi lolgov phao lavq nail khul gaq bhai maqkhaiq, ngal aivq jaol nail bha aol lai khi, aivq nee mail jaq tavq daol tavq nail ngaol. Aivq iqsanl, ngaq-ai nee jaq tavq daol tavq nail ngaol.

‘Naoq-i mail nl nail hal nail phaq bhai ngal heeq kivq naol. Naol neq, aqcoevq iqsanl maq ngel, aqlaol iqsanl maq ngel. Naol aqcoevq maq ngel haq neq, aqlaol pevq nail bhai ngal oil movq ail nial. Thail hai ngaol-aoq, aqlaol iqsanl maq ngel, aqcoevq iqsanl maq ngel dai, aqloil loil dai taivq-ail pevq nail ngel-i mail, ngal naoq bhai peivq ha naol.

Ngal khal gaiq-a nail tsaol-aq bhai, ngal khaq khaq ail khi aqmeeq-ai cavq bhiq cov bhiq nail ngaol. Al heel ngel-i mail, oeqbal noeq pov nail lavqkhoel nee lai jai dal laivq yaoq.

Naoq-i mail nl nail hal nail juq bhai ngal heeq kivq naol. Hel daiq. Tsaol-aq teevq gaq ail maq pheeq thaiq nia nail lolgov teevq gov ngal naoq nail sivtavq bhai phao-ai thaq nail ngaol. Naol gaq micil taivq-ail aol khi ngaol-aoq, naol ngaq nail daoq nal daiq nail nee ovqtavq, ngaq nail aqmil bhai maq khaonq ha-al.

Ngal neq, gaq lai-a nail gaq pevq khi, ngaq nail Aqbhu nail joiq jaq doiqbev bev ma bhai ngaq nail Aqbhu nee jaol deel-nvq thaq nail khe-ai, gaq lai-a nail tsaol-aq bhai iqsanl, ngaq nail joiq jaq doiqbev bev ma bhai ngaq-ai nee mail bhi jaol deel nail ngaol.

Naol neq, yovqgavq bhai yovqgavq, "Ngal neq, hulmeeq hul bhao ngaol. Nl maoq yalkav mao dai hal pov jil-ai thaq naol. Ngal khul teevq phaq iqsanl maq loq yaoq-aol" dai, ge khi ngaol-aoq, naol kha dai haq aoq nl heeq phaq-ail jiav nail bhai maqkhaiq, kha dai gaoq haq lal heeq phaq-ail pevq nail bhai maqkhaiq, kha dai haq nail bhai maqkhaiq, naol maq heeq nia-ail. Naol maiv peivq peivq nail nee ovqtavq, naoq nail aqmaol neq, maoldeq lavqnel dai jaol nail bhai iqsanl, naol maq heeq nia-il laq.

Ol ol ail jaol yaoq dai, ngaq-i mail naoq bhai ge bhiq-a nail daoq bhai nal daiq nail ngel-i mail, miltsaq yaq bhai laonq daiq nail dai, miltsaq bhai yaoq dao yaoq-ao nee laonq nail aqyanq kev lee-u phao, ngal naoq bhai bhi jel-ail naol.

Ngal lavqtsail mail yavq kha lee naol dei-eiq. Naoq-i mail yaqhao khe ya nail heel uq tsaoq bhai teevq gaq ail maq ya luv dov dai, naol khal jaol khal jiav nail yaoq phaq yaoq-ao nee bhai, ivq dao dai nieivq thaiq-ai thaq yaoq.

Noeq lal yaoq. Naoq nail lavqkhoel bhai khal jail nail aqmeeq phaq maq bhi sil ceiv dai, gaq bivq yaoq. Khul khi mail dai ngal-aq, naoq-i mail nl-a hal-a nail phaq neq, ngaq nail Miqyail nail sivtavq bhai maq bhee maq lovq-ai haq-al dai, ngal hel daiq moel-a nail ngaol.