Popular Bible Verses from Phaodaiq 2

Share

Thail hai ngaol-aoq, ngal naoq bhai oeqbal thaq duq niail hai jiav nail ngaol. Naol iqmoeq-u goil nail gaiq-a nail neema aol khi ngaol-aoq, niil aq-il maq aol-aoq thaq nail ngaol.

Al heel ngel-i mail, naol kha dai ga kha lee-a nail bhai saol-nvq khi, oeqbal noeq pov noeq pov ail, iqmoeq-u nl-a nail khe-ai, nl yaoq. Naol naoq nail oeqbal maq noeq pov haq neq, ngal naoq nail phalmanq bhai tsiq dov lee naol.

Maq maoq lal mail, naol ya daq nail khoeq nail jiovq nail phaq bhai thaq gee sil. Naoq bhai laonq daiq nail dai khi, neivq heeqphaq nul juq teevq pav ga nav juq bhai thaonq bhai laol khi, tsel n bhee dai khoeq nail jiovq nail bhai, nul juq ya daq nail ngaol. Sil-u kev dai, neema ivq yaoq. Ivq haq neq, aqdoevq bhi doevq nail heel uq tsaoq kovpavq, ngal nul juq bhai bivq naol.

Naqkhaol khal covq nail tsaol-aq, Aqhaqlal Miqyail Khali yaq munl juq bhai ge bhiq nail daoq aqmeeq-ai nal daiq yaoq. Gaq lai nail tsaol-aq bhai neq, aqdoevq bhi doevq nail aqbhaol nail aq heeq, ngal aqyu juq bhai bhi jaq naol. Aq bhaol al bhaol neq, Miqyail nail Bhaqlaqdilsuv dai khul nail gaoqkhail lavqkhoel bhai doevq nail ngaol’ ” dai, ge bhiq-a nail ngaol.

‘Naol nl thail hal thail thaiq nail juq bhai maqkhaiq, nl doil hal doil-a nail juq bhai maqkhaiq, oltsaol nail phaq bhai maqkhaiq, ngal heeq kivq naol. Naol haqeiv nail tsaol-aq juq bhai maq khanq tsaol nail bhai iqsanl, ngal heeq kivq naol. Gaq khoel ngaol dai, ge khi ngaol-aoq, mal dil maq ngel nail juq bhai, naol laonq daiq khi, aqyu juq goiqbhaoq bhaoq nail tsaol-aq ngel lao thaq-il dai, naol ya heeq kivq-a nail ngaol.

Naol oltsaol khi ngaq bhai juq nail bhaq da nee khoeq nail jiovq nail bhai ya daq-u phao, naol neema maq cov nail bhai iqsanl, ngal heeq kivq nail ngaol.

Naqkhaol khal covq nail tsaol-aq, Aqhaqlal Miqyail Khali munl juq bhai ge bhiq-a nail daoq bhai aqmeeq-ai nal daiq yaoq. Gaq lai-a nail tsaol-aq bhai neq, oil uvq-ai thaq nail Maqnav khaqmul khi mail lovmav aqphul teevq heeq ngal bivq naol. Lovmav aqphul al heeq bhai aqmil aqsivq gevq-ai thaq nail ngaol, lovmav al heeq bhai ya-a nail gaq maq ngel haq neq, aqmil al mil bhai teevq gaq ail maq heeq nia-ail’ ” dai, ge bhiq-a nail ngaol.