Popular Bible Verses from Zabur 77

Share

Oo Hodáwand! Tai kárán yáta kanán, tai ajabén kárán ke taw péshi zamánagán kortagant. Tai kortagén sajjahén káráni bárawá pegra kanán o tai kerdáni hayálá bán.

Taw hamá Hodá ay ke ajabén kára kant. Taw wati zór o wák sajjahén kawmáni nyámá pésh dáshtag

Oo Hodá! Tai ráh pák ent. Kojám hodá may Hodáay paymá mazan buta kant?

Man Hodáyá tawára kanán o pa komaká hamáiá gwánka janán, mani peryát gón Hodáyá ent o á mani áwázá gósha dárit. Sakki o sóriáni róchá Hodáwanday shóházá án, sajjahén shapá mani dast dráj ant o dama nabarán, mani arwáh árám geraga nalóthit.