Popular Bible Verses from Zabur 119

Share

Tai habar pa mani pádán cherágé o pa mani ráhá rozhné.

Man tai habar wati delá ambár kortagant ke tai helápá gonáh makanán.

Warnáén mardomé chón wati ráhá pák dáshta kant? Gón tai habaray randgiriá.

Bahtáwar ant hamá ke Hodáwanday parmánána mannant o pa setk o del áiay shóházá ant

Taw mani panáh o espar ay, man wati óst o omét gón tai habará bastag.

Maná agl o hósh beday ke man tai Sharyatay páband bebán o pa del o setk eshiay randgiriá bekanán.

Mani delá dém pa wati parmánán betarrén, mani nap o suttáni katthagay badalá.

Sharr but ke sakki o sóriáni tahá kaptán ke tai hokmán dar bort bekanán.

Sakki o sórián mani tasallá hamesh ent, tai kawl maná zendaga dárit.

Wati hokmáni ráhá mani rahshón bay, ke mani wasshi hamesháni tahá ent.

Oo Hodáwand! Wati hokmáni ráhá maná sój day, ke tán áherá bedáránesh.

Mani arwáh cha andóhána nálit, maná wati habaray hesábá mohkam kan.

Tai Sharyat maná chón dóst ent, sajjahén róchá hameshiay pegrá án.