Popular Bible Verses from Mattá 21

Share

Agan shomárá báwar bebit, harché ke wati dwáyáni tahá lóthét, shomárá dayaga bit.”

Issáyá passaw dát: “Shomárá rásténa gwashán, agan shomárá imán bebit o delá shakk mayárét, gorhá hamá dhawlá ke gón enjiray drachká but, shomá ham anchosh o angat géshter korta kanét. Agan shomá é kóhá begwashét ke watá cha edá chest kan o daryáyá dawr beday, gorhá hamé dhawlá bit.

Rombá, Issáay démay o poshtay mardom, kukkár kanáná gwashagá atant: “Hushiáná, oo Dáud bádsháhay chokk! Mobárak ent hamá ke Hodáwanday námá kayt, Hushiáná, borzén arshá.”

Gwashti: “Hodáay Ketábá nebeshtah ent: Mani lóg dwá kanagay jágah gwashaga bit, bale shomá dhongáni panáhgáhé kortag.”

“Gón Sahyunay Jenekká begwashét: ‘Tai bádsháh pa taw pédák ent, béshán o békebré, korragéá, bezán kasánén haréá swár ent.’”

Issáyá cha áyán jost kort: “Shomá Hodáay Pákén Ketábán hechbar nawántag: Á seng ke bánbandán nápasond kort o nazort hamá seng bonhesht but. É Hodáwanday kár ent o may chammán porkamál ent.”

“Paméshká shomárá gwashán ke Hodáay bádsháhi, cha shomá pach geraga bit o anchén kawméá dayaga bit ke áiay bar o samará kárit.