Popular Bible Verses from پولُسئے کاگد په رومیان 15

Share

اُمێتئے هُدا که شما آییئے سرا باور کرتگ، شمئے دلا چه هر پئیمێن وَشّی و اێمنیا پُرّ کنات، تانکه گۆن پاکێن روهئے زۆرا شمئے دل چه اُمێتا سررێچ ببیت.

هر چیزّ که پاکێن کتابان پێسرا نِبیسگ بوتگ، په مئے تالیما نِبیسگ بوتگ، تانکه چه آیانی بَکشاتگێن سَبر و دِلبڈّیا مارا اُمێت برسیت.

سَبر و دِلبڈّیئے هُدا شمارا اَنچێن زِندے ببَکشات که ایسّا مَسیهئے پئیما گۆن یکدومیگا همدل ببێت، تانکه شما په همدلی و همتئواری هُدا، بزان مئے هُداوندێن ایسّا مَسیهئے پِتا ستا و سنا بکنێت.

نون په هُدائے شان و شئوکتا، شما یکدومیا هما پئیما وشّاتک بکنێت و بزورێت که مَسیها شمارا زرتگ.

چه ما هر یکّے وتی همساهگا وَشّ و رَزا بکنت، تانکه آییئے رُست و رُدۆم ببیت.