Popular Bible Verses from پولُسئے کاگد په رومیان 14

Share

چێا که هُدائے بادشاهی په ورگ و نۆشگ نه‌اِنت، په راستاوَری و اێمنی و شادِه اِنت که چه پاکێن روها رسیت. هرکَس که همے پئیما مَسیهئے هِزمتا کنت، هُدایا وَشّ و رَزا کنت و مردم هم چه آییا رزا بنت.

اگن زِندگ اێن په هُداوندا زِندگ اێن و اگن مرێن په هُداوندا مرێن. گڑا زِندگ اێن یا مرێن، هُداوندئیگ اێن.

گڑا بیاێت مُدام هما کارانی کنگئے رندا ببێن که دێم په سُهل و آرامی و یکدومیئے رُست و رُدۆما برنت.

بیاێت چه اِد و رند یکدومیا اێرَ نجنێن. اِشیئے بدلا، شما مُهکمێن اراده بکنێت که آ دگه براتانی راها مان گیشّێنۆکێن سِنگ اێرَ نکنێن و راها بندَ نکنێن.

اَنچُش که نِبیسگ بوتگ: ”هُداوندَ گوَشیت: ’منا وتی زندئے سئوگند اِنت، هر مردم منی دێما کۆنڈانَ کپیت، هر یکّے دپِ وتَ منِ هُدایا مَنّیت.‘“ گڑا چه ما هر یکّێا هُدائے دێما وتی هساب دئیگی اِنت.

نِزۆرێن باورمندا وشّاتک بکنێت و بزورێت و نگیشّتگێن هبرانی سرا گۆن آییا جێڑه مکنێت.

تئو کئے ائے که دگرێئے هِزمتکارئے کزاوَتا کنئے و آییا اێرَ جنئے؟ آ، یا وتی جندئے واجهئے کِرّا وَشنامَ بیت یا بَنّام. بله بزان که وَشنامَ بیت، چێا که هُداوندا اے واک و توان هست که آییا وَشنام بکنت.