Popular Bible Verses from زَبور 71

Share

چیا که تئو، او هُداوند، منی اُمێت ائے و چه کسانیا، او هُداوند، اۆست و اُمێتُن تئیی سرا بوتگ.

منی پناه دئیگئے تلار بئے، که مُدام دێم په آییا بیایان. تئو په منی رَکّێنگا هُکم کرتگ، چیا که منی تلار و کلات تئو ائے.

بله من مُدام تئیی کُمکئے اُمێتوار آن و ترا گێش و گێشتر ستا کنان.

او هُداوند! من تئیی مئیار و باهۆٹ آن، منا شرمسار مکن.

دپُن چه تئیی تئوسیپا پُرّ اِنت، چه تئیی شان و شئوکتا سجّهێن رۆچا.

تئیی آدلێن کارانی هبرا کنان، سجّهێن رۆچا تئیی داتگێن نجاتئے جارا جنان، هرچُنت که آیانی هساب چه منی زانگا ڈنّ اِنت.