Popular Bible Verses from مَتّا 23

Share

هما که شمئے نیاما چه سجّهێنان مستر اِنت، آ دگرانی هِزمتکار ببیت.

چێا که هرکَس وتا مزنَ کنت، کَمشرپَ بیت و هرکَس که وتا جَهل و اێردستَ مَنّیت، وشنام و شرپدارَ بیت.

بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما پورچێنک و گواتَگ و زیرَّگئے دَه‌یَکّا کَشّێت و هُدائے ناما دئیێت بله چه شَریَتئے مسترێن هُکما، بزان اِنساپ و رَهمدلی و وپاداریا نادلگۆش اێت. دْرێگتا، شما اے کار بکرتێننت و آ هم یله مداتێننت.

بَژن و اَپسۆز په شما، او شَریَتئے زانۆگران و پَریسیان! او شَتَلکاران! شما وتی پیاله و کاسگانی ڈنّی نێمگا ساپ و سَلّهَ کنێت بله آیانی تَه و تۆک سِلّ اِنت. شمئے دل و درون چه لالِچ و تَماه و بێپهرێزیا سررێچ اِنت.

اورشَلیم، او اورشَلیم! تئو پئیگمبرانَ کُشئے و همایان سِنگسارَ کنئے که هُدا په تئو راهَ دنت. باز رندا من لۆٹتگ تئیی چُکّان وتی کِرّا یکجاه بکنان، اَنچُش که نکێنکێن مُرگے چورگ و چیپُّکان وتی بال و بانزُلانی چێرا مُچَّ کنت، بله شما نلۆٹت.

همے ڈئولا شما هم سرزاهرا مردمانی چمّان پهرێزکارێن مردم اێت بله شمئے دل چه شَتَلکاری و ناشَریا سررێچ اِنت.