Popular Bible Verses from مَتّا 22

Share

ایسّایا پَسّئو دات: ” وتی هُداوندێن هُدایا چه دلئے جُهلانکیا، و گۆن سجّهێن جان و ساه و گۆن سجّهێن پَهم و پِگرا دۆست بدار. مسترێن و ائولی پرمان همِش اِنت. دومی پرمان هم، همِشیئے ڈئولا اِنت: وتی همساهگا وتی جندئے پئیما دۆست بدار.

همے دوێن پرمان، موسّائے سجّهێن شَریَت و نبیانی پرمانانی بُنیاد اَنت.“

چێا که لۆٹتگێن باز اَنت، بله گچێن کرتگێن کمّ اَنت.“

آهرتئے رۆچا مردم نه سورَ کننت و نه سور دئیگَ بنت، آسمانی پرێشتگانی ڈئولا بنت.

چه هما زَرّان یکّے منا پێش بدارێت که په مالیاتا دئینتِش.“ آیان یکّ دینارے آورت. ایسّایا جُست کرت: ”اے نام و نَکش کئیگ اَنت؟“ گوَشتِش: ”کئیسَرئے.“ نون ایسّایا درّاێنت: ”گڑا کئیسَرئیگا کئیسَرا بدئیێت و هُدائیگا هُدایا.“