Popular Bible Verses from لوکا 6

Share

بدئیێت که شمارا دئیگ ببیت. مزنێن کئیل و پئیمانهے پُرّ کنگَ بیت، دَپادَپ کنگَ بیت، مان چِنَگَ بیت، سررێچ کنگَ بیت و شمئے کُٹّا رێچگَ بیت، چێا که گۆن هر کئیلێا بدئیێت، گۆن هما کئیلا شمارا دئیگَ بیت.“

شَرّێن مردم وتی دلئے هزانگئے اێر کرتگێن نێکیان چه وتی دپ و زبانا درَ کنت و سِلّێن مردم وتی دلئے اَمبارئے اێر کرتگێن گَندگیان چه وتی دپ و زبانا رێچیت. چێا که هرچے که دلا بیت، چه دپا هما هبر درَ کئیت.

بله شما وتی دژمنان دۆست بدارێت، گۆن آیان نێکی بکنێت، بے اُمێتا وامِش بدئیێت. اے ڈئولا شمارا مزنێن مُزّے رَسیت و شما بُرزێن ارشئے هُدائے چُکَّ بێت، چێا که آ گۆن ناشگر و بدکارێن مردمان هم مهربان اِنت.

هما ڈئولا که شمئے آسمانی پت رَهمدل اِنت، شما هم رَهمدل ببێت.

ائیب‌گیری مکنێت و کَسّا اێر مجنێت که شما اێر جنَگ مبێت. کَسّا مئیاریگ مکنێت که مئیاریگ کنگ مبێت. دگران پَهِلّ کنێت و ببَکشێت تانکه پَهِلّ کنگ و بَکشگ ببێت.

او منی گۆش دارۆکان! شمارا گوَشان که وتی دژمنان دۆست بدارێت و گۆن آیان که چه شما نپْرتَ کننت، نێکی بکنێت. هما که شمارا بدّواییَ کننت، په آیان برکت بلۆٹێت و هما که شمارا بےاِزّت کننت، په آیان نێکێن دْوا بلۆٹێت.

گۆن دگران هما ڈئولا بکنێت که شما لۆٹێت که آ گۆن شما بکننت.

اگن کَسے تئیی یکّ گُبّێا شَهماتے جنت، وتی دومی گُبّا هم آییئے نێمگا بتَرّێن و اگن کَسے تئیی کباها پَچَ گیپت، بلّی تئیی جامگا هم بارت. اگن کَسے چه تئو چیزّے لۆٹیت، بدئےای، اگن کَسے تئیی چیزّے ببارت، پدا ملۆٹی.

هچّ شَرّێن درچک هَرابێن بَر و سَمرَ نئیاریت و نه هَرابێن درچک شَرّێن بَر و سَمرَ کاریت.

هر درچک چه وتی بَرا زانگَ بیت. نه چه ڈَنگران اِنجیر چِنَگَ بیت و نه چه ڈۆلُکا انگور.