Popular Bible Verses from لوکا 13

Share

آییا پَسّئو دات: ”جُهد کنێت که چه تنکێن دروازگا بگوَزێت، چێا که من شمارا گوَشان، بازێنے چه همے دروازگا گوَزگئے جُهدا کنت، بله گوَستَ نکنت.

جنێنے همۆدا اَت که هژده سال اَت جِنّێا نادْراه کرتگ‌اَت. جنێن کُمپ اَت و هچّ ڈئولا نَتوانتی وتی سْرێنا تچک بکنت. وهدے ایسّائے چمّ آییا کپتنت، تئواری کرت و گوَشتی: ”او بانُک! تئو چه وتی ناجۆڑیا دراه بوتئے.“

ایسّایا وتی دست آییئے سرا اێر کرت و هما دمانا جنێنئے سْرێن تچک بوت و هُدائے سِپَت و سَنایا لگِّت.

بچار، هما که آهِری اَنت، ائولیَ بنت و هما که ائولی اَنت، آهِریَ بنت.“

وهدے کئیت که لۆگئے هُدابُند پادَ کئیت و لۆگئے دروازگا بندَ کنت، گڑا شما لۆگئے دپا اۆشتێت و هرچُنت دروازگا ٹُکّێت و تئوارَ کنێت: ’او واجه! دروازگا په ما پَچ کن!‘ بله آ پَسّئوَ دنت که ’من شمارا پَجّاهَ نئیاران و نزانان چه کجا آتکگێت.‘

من شمارا گوَشان نه، شما هم اگن تئوبه مکنێت، همایانی ڈئولا گار و گُمسارَ بێت.“

بله آ پَسّئوَ دنت: ’من شمارا پَجّاهَ نئیاران و نزانان چه کجا آتکگێت؟ او رَدکاران! چه منی دێما دور بێت.‘

گڑا ایسّایا گوَشت: ”هُدائے بادشاهی کجام چیزّئے پئیما اِنت؟ په آییا چۆنێن مِسالے بدئیان؟ هُدائے بادشاهی ٹێلکاهئے تُهمئے پئیما اِنت که مردێا زرت و وتی باگا کِشت. آ تُهم رُست و درچکێئے کدّا بوت و بالی مُرگان آییئے تاک و ٹالانی سرا کُدۆه بست.“