Popular Bible Verses from لوکا 12

Share

همے پئیما تئیار ببێت، چێا که انسانئے چُکّ اَنچێن وهدێا کئیت که شما آییئے اِنتزار و وَدارا نبێت.“

هُدائے بادشاهیئے شۆهازا ببێت، اے وت شمارا دئیگَ بنت.

پدا گۆن مردمان گوَشتی: ”هُژّار بێت! وتا چه هر ڈئولێن تَماه و لالِچا دور بدارێت، چێا که مال و دئولتئے زیادَهی انسانئے زِندئے مکسد و مُراد نه‌اِنت.“

پرچا که همۆدا که شمئے مال اِنت، شمئے دل هم همۆدا بیت.

هِچکَس په پِگر و پرێشانی وتی زِندئے رۆچان دمانے هم گێش کرتَ نکنت.

ایسّایا گۆن مُریدان گوَشت: ”پمێشکا شمارا گوَشان که په وتی زِندا پرێشان مبێت که چے بوَرێن، نه په وتی بدنا که چے بپۆشێن

هُدایا شمئے سرئے مودانی هساب هم گۆن اِنت. گڑا متُرسێت چێا که شمئے اَرزش چه جِنگُلان گێشتر اِنت.

او منی کسانُکێن رُمبئے مردمان! متُرسێت، چێا که شمئے آسمانی پتئے رَزا و واهگ همِش اِنت که بادشاهیا شمارا بدنت.

گوَراگان بچارێت، نه کِشنت و نه رُننت و نه بان و اَمبارِش هست. بله اَنگت هُدا آیان رۆزیگَ دنت. شمئے اَرزش چه مُرگان باز گێشتر اِنت.

پمێشکا وتی سرجمێن دلگۆشا وَرد و نۆشئے نێمگا مکنێت. اے چیزّانی بارئوا پرێشان مبێت.

وهدے هُدا گیابانئے کاهان که مرۆچی هست‌اَنت و باندا تَرونا سۆچگَ بنت، چۆ بْرَهدارَ کنت، گڑا شمارا چِه پئیما شرترێن پۆشاکَ ندنت، او کَمباوران!؟

چێا که هچّ چُشێن چێرێن چیزّے نێست که زاهر مبیت و هچّ چُشێن رازے نێست که زانگ مبیت.