Popular Bible Verses from یوهَنّا 1

بله هما مردمان که مَنِّت و آییئے نامئے سرا ایمان آورت، آییا آ مردم هَکّ و اِهتیار داتنت که هدائے چُکّ ببنت.

چه اَزلا گال هست‌اَت. گال گۆن هدایا گۆن اَت و گال هدائے جند اَت.

نور تهاریا دْرَپشیت و تهاری نورئے سرا بالادَست نبوتگ.

گال اِنسان بوت و مئے نیاما جاگهی کرت. ما آییئے شان و شئوکت دیست، هما شان و شئوکت که یکدانگێن چُکّئیگ اِنت، هما چُکّ که پتا راه داتگ و چه رهمت و راستیا سَررێچ اِنت.

هدایا سجّهێن چیزّ گالئے وسیلها جۆڑ کرتنت و چه اے جۆڑ بوتگێن چیزّان، بے گالا هچّ چیزّ جۆڑ نبوت. گال زِندئے سرچَمّگ اَت و زِند مردمانی نور اَت.

دومی رۆچا، وهدے یَهیایا دیست که ایسّا دێم په من پێداک اِنت، گوَشتی: ”اِش اِنت هدائے هما گوَرانڈ که جهانئے گناهانَ شۆدیت و دورَ کنت.

آ جهانا اَت و هدایا جهان هماییئے وسیلها جۆڑ کرتگ‌اَت، بله جهانا آ پَجّاه نئیاورت. آ وتی مردمانی نیاما آتک و آییئے مردمان آ نمَنِّت.

هما راستێن نور که په سجّهێن مردمان رُژناییَ کاریت، نون جهانا پێداک اَت.

چێا که شَریَت موسّائے وسیلها بَکشگ بوت، بله رهمت و راستی ایسّا مَسیهئے وسیلها آتک.