Popular Bible Verses from Kulolesibua 9

Share

Nu bango bantu bansania basigeide tabakua na tubebe tutuno, tabeiyanizie ku milimo za maboko mabo buno taba­kumbamine basumbu, nu nkisi za olo, nu za feza, nu za kiuma kia nsubi, nu za makozi, nu za miti; zitakumona, aba zitakungua, aba zitakuenda; nu tabeiyanizie ku kuita kuabo, aba ku buganga buabo, aba ku butazi buabo, aba ku buibi buabo.

Nu nzige zabasile mu wozo muki nu zendile mu kisi; nu zakasilue magala, anga magala ma nkutu za kisi. Nu zatendilue buno tazidie nsamba za kisi, aba bintu bili bibisi, aba miti insania, tondo kubabazia bantu beteli na kamenyi­kilo ka Kalaga ga malanga mabo.

Nu mugenzi weitano eidile monze, nu namonine ku lukenikeni luatukile muigulu luakolokile ga kisi: nu akasilue mutandulua wa muzinga utanakuzinda.

Nu zakakizizibue buno tazi­balekanie tugu zibababazie miezi etano; nu lubaba luazo luabezaga anga lubaba lua nkutu, gazikutua muntu.

Zabezaga na mukota wazo, wozo mugenzi wa muzinga utanakuzinda: izina liage ku kilibelo, lili Abadono, nu ku kiGeleka lili Apoliono.