Popular Bible Verses from Liɛnɛsu 3

Share

Tɛnɛ, isoemala nda bome la isotitaka bome kɔkɔkɔ; eyambo boto eoka limiki liami, la eliola bome, ani yɛɔtɔkɔ end’inde la yelaka lande bieka, la inde elaka amamwito lami.

Iluwi nde bekeeli yaɛ, mbo oti la bondiya, oti l’etao; ani imi kolɛmbɛ mbo oyaleke kwa la bondiya, kwa la etao. Nde ongoma, eoka wende la lotatambe, inga la bondiya inga l’etao, isambosɛndɛk’aɛ nda bɔnɔkɔ wami.

Imi isoimaka la isokucha ebatosamaka’mi osam’iyo; eokao yalaka la bofiili la kalanganaka.

Iluwi nde bekeeli yaɛ, tɛnɛ ngo, oso waɛ isota bome eboliolomu nde, angwɛnɛ boto angɔmɔi kokɔkɔlɔ ndoliaka wao; iluwi imɔ mbo wende ko la bofoka sinyo kongo, nde osolitesa lioi liami la otianganye lina liami.

Inde oyatolonga, itofaefak’inde isosha shoyala se amamwito lami nda kɛka yami, kwa alongaka’mi angɛnɛ la kwa ayalaka’mi se amamwito la Sango wami nda kɛka yande.

Eoka mbo osoonga mbo— Imi yende lifoka la isosɔnja bieto la it’imɔ la boeno wa yeka, la eoka otiluwe mbo osowɛlɔmɔ ngandi ako aɛ, boto wa mbuwa l’iuwe, la botuku, la wase.

Eoka osokɔchaka lioi liami lia likɔkɔmɛlɛ, Imi imɔ yetinganaka laɛ nda mbile ya likoteli elisamboya ende bato ba wenda bototina ndoyakotela ebasoyala ono se.

Itoya lisasaya, takuamelaka to yao ebile laɛ, mbo boto ataɔnɔkɔlɔ iyoyo shaɛ sha loiko.

Lambaka to, la kɔkɔmɛsɛkɛ ebitikali ebisambowa eoka itiɛnɛ bekeeli yaɛ mbo bisɔɔlwa nda baiso ba Mungu.