Popular Bible Verses from Ba-Loma 12

Share

Botakilanake l’okotua bon’esik’ene la njokola, ohonde bohalinywa la nnunola lakina ena nkanyi inino, lacinaho bofokole eango ena Yakomba en’olotsi, eango enetangam’olotsi ko l’enonga.

Lacin’eho, lakoond’ino, bifili, la tosei tona Yakomba, lacina bolekya baonge’anino mbeka iniyaike, inekyama en’oeka, initangama bolotsi eneyali Yakomba; ekumedyo ena Yakomba enakolana l’ino nd’eho.

Bonyangela ena lolengedyo; botalembwake en’esike ena nyoma; bocindelana bina Lina ena beondo.

Botakoiyamake l’owe; ohonde bokoiyaka bowe l’olotsi.

Ena likambo lina nganji ena bifili, bokanaka nganji bike; boongya lifikana mpika.

Nk’ookamel’ato nganji, nganji eho etaatake bosimo. Bokilaka bowe nkila mene; bundamela nk’olotsi.

Yombo inoamene binya, bokend’efili l’ato bahatu.

In’analangama, inoamene botutodyake nkele, ohonde bocikela nkele ena Yakomba mboka. Lacin’oka yoi limotengama, Mbutodya ena nkele eyali nk’enami; Yawe aila, ate, emamene nongutodya eho.

Botakambake ekambwa la bofedya; boyalamaka la mposa en’olimo; bosaela Nkolo.

Lacin’emi lila, lacin’en’isei inifama eneyal’emi, emite, boto l’oto’onino atayofefake ena lokanyi lonande, l’okotua bonofakoli l’ende; ohonde akanelake lokanyi lonakolana, l’okotua bonoki Yakomba okoedyaka boto l’oto lelelo lon’imeedyo.

Botacindanyake boto l’oto bowe l’owe. Boongya yila baoyi banakoli nko nkolana en’aiso ban’ato bahatu.

Boyalamaka la lokanyi lomoko en’atenyi’aninoamene. Botatomake nkanyi inino en’aoyi banakolek’ino, ohonde bambana l’iy’aninda lokumo. Botayotangak’inoamene bato bana bomwu.

Koko yombo bookyi’owe bone aoka njala, ofe toma; yombo aoka mposa, omedy’asi; enil’e yok’osamb’oho ongotadya baala bana nko; en’ote’onande.

Bosakel’iyo banatonyom’ino bosako: bosak’osako, botamomake. Bonyangela l’iy’ananyangela; bolela l’ikanelela.

Hokambya ban’oeka bana Masiya ena biinda bonind’iyo, bosangela befenda.

Yoka bosambo bonat’iso bilama bike ena yonge limoko, ko bilama bihitu bilayali l’osala bon’okotu’omoko; nk’osamb’oho iso, kanya toyali bike, toyali yonge limoko eneyali Masiya, ko boto l’oto ayali nk’elama.