Popular Bible Verses from Romanos 15

Share

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

Haska dasibi Deusũ hãtxa yuishunikatũ bebũkiri keneniburã, haska ha keneni tapĩkĩ xinaĩ nũ hawẽ hiwekubaĩshanũbũ nuku ashunibuki. Haskawẽ taea ha Deusũ hãtxa uĩkĩ tapĩ nũ txĩtuãma nuku merabewaya hawẽ taea benimai nũ hiweibi hiweshanai nuku manakamaikiki.

Haskakẽ Deus matuwẽ nuikĩ matu merabewaya haska matu hiwemakatsis ikai hawẽ nui pepa hau matu uĩmakubainũwẽ, haska Jesus Cristo hiweni keska matu txibãmakinã. Deusũ matu haska waya maturi dasibibu merabenamekĩ nukũ Shanẽ Ibu Jesus Cristõ Epa Deus dasibibũ habiaskas xinãkĩ hau kẽwãriakubainũbũwẽ.

Hanushũ haska Cristõ matu haibu wani keska wakĩ ikũwaĩ betsabube haibunamekĩ hatu beyawakubaĩkãwẽ, haskai mã pekũkainaya hau dasibibũ Deus kẽwãkubainũbunã.

Ha inũ, nũ ikũwaĩ dasibibunã, nuku dapi hiwebaunabuwẽ nuikĩ hamapai tibiwẽ hatu merabewakĩ hatu ikũwãmariakubainãkãwẽ.