Popular Bible Verses from Hebreus 1

Share

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Hãtxa pepa ẽ matu bumai uĩkĩ nĩkairakãwẽ. Ha dukunã, nukũ shenipabube Deus hãtxairã, hawẽ hãtxa yuishunika tibiwẽ hawẽ hãtxa hatu yuimakĩ hawẽtxaĩs hatu yusĩkĩ betsa tibiwẽ tashnimakĩ hatu yuikubainiki. Haska wabiakubaĩkĩ hawẽ bake kuxipa watã mai hirabi dasibi damiwamanishũ dasibi ibu wamanishũ natiã hawẽ henekĩ hawẽ huni bake hãtxamakĩ Epa Deusũ hawẽ hãtxa nuku unãmaniki. Haskakiri matu ana yusĩnũ nĩkakãwẽ.

Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.

Ana hawẽ bake yuikĩ: “Shanẽ Ibuũ, hawa hayamahairabiakẽ mianã, damiwakĩ taewakĩ nai inũ mai hirabi ibubis mĩ damiwaniki. Miarã, hawa betsama mĩ ipakeshanaii. Hakia mĩ dami wanirã, keyushãkanikiki, tari txukai keskairã.