Popular Bible Verses from 1 Tessalonicenses 4

Share

nuku nũ hiweaburi hatube Deusũ nuku ainiaya nai kuĩ merã Jesuski nukutã nũ habe hiwepakeshanaii, ikibi ikirã.

Hakia Deus nai anua sai ikĩ hawẽ nai tsuma shanẽ ibu yunua hatũ dasibibu itxawaya Deusũ trombeta hawẽ nai tsumã txã txã akaya nai anua nukũ mekenã Cristo butui shaba putxinĩ nikẽ Cristo ikũwaĩ mawanibu habu dukũ Deusũ ana bestẽwãtã

Haskakẽ Deusũ matu pepa besti wanũ, iwanã, matu yunukĩ: “Aĩbu mĩ aĩmawẽ kemuama inũ, huni mĩ benemawẽ kemuama haska ha dabe mã haya hatũ aĩbe besti hau txutanamekubainũbũwẽ”, iwanã, xinãmiski, Deusunã. Haska inũ, Deuskiri unãma inũ ikũwãbumã aĩbuaibu tibiwẽ kemukĩ txutabaũmisbu keska iyamakubaĩkãwẽ. Hakia Jesus ikũwaĩ aĩyãkatsis ikĩ shabakabi Deus uĩmai pe hiwenũ ika habe biakanãtã nuitapawama hatũ mabu mekei hau pe besti ikubainũbũwẽ, hatũ aĩbe menamei txutanameirã.

Hakia nukurã, nũ ana haskakiri xinãmaki. Jesus mawa Deusũ ana bestẽwani nũ ikũwaiĩ. Haska wani ikũwaĩ nukuri nũ mawa Jesus bestẽwani keska watã ha huaitiãri Deusũ nukuri bestẽwãtã Jesusbe nuku iyushanai nũ unaiĩ.

Hakia haska nũ matu yusĩkĩ nũ matu uĩmatanima mã nuitapaibukiri xinãma txikixama ea iki daketapama matũ mekenẽ dayakũkaĩkĩ matũ hamapai bikubaĩkĩ unãnuma hiwekĩ hatu yuãmayamakãwẽ, mã haskaibu ikũwãbumã matukiri pe uĩkĩ hawa txakabuuma hau xinãnũbunã.

Hakia nũ haska txakabui atimapakũkaĩmis Deusũ abuismaki. Haskawẽ taea nũ pepa bestikubainũbũ hawenabu wakĩ Deusũ nuku katuniki.