Popular Bible Verses from Rɔmɛ̀n-anmàn-bɔ̀ 13

Share

Nyɛ́n ẅɛn edomɛ̀n, eci lɔ fɛn léyi Zhezü Krisì Ɛẅɛnwrɔn tán bɔ̀ nɔn, ô nyɛ́n bɩ́ vru teze ny'edomɛ̀n nyɛ́n tán nyɛ́n dukú ny'eci-gbàngbàn léyi nyɛ́n cüɛn n'ɛhán nɔn.

Nyɛ́n bɩ́ ẅɛn ɔwrɔn zriɛmɛ́n ɔwɔ̀ɛn, ke dú kɛ kè sɩ̀ dù ɛcüɛ̀n léyi ke ji le nyɛ́n ẅɛ̀n nyɛ́n tán ny'edomɛ̀n nɔn. Ɔwrɔn léyi kɛ cüɛn nɛ́n nyran hɔ̀n nɔn, nɛ hán ɛnyànmàn ci léyi ke ji nɔn.

Ɔwrɔnwrɔn kè die govràn-kɔ̀hɔ̀n-hán-bɔ̀-cüìcüì hɔ̀n léyi ẅɛn ɛkɔrɛ̀-levri nɔn nukùɛ. Ɔmuhi ɛkɔrɛ̀-levri lɔ fɛn dú Ɔwɔ yri và nɔn; yɔ hɔ̀n léyi dù nɔn, nɛ́n de nɛ̀n wá yɔ nɔn.

Ɛnnyran gɔ̀n bru ɛmɛ̀n, ɛcɛ̀n bá ɛtɛ̀sɛ̀n. Bɔ́ teze zɛtɛn eci-hán-ci hɔ̀n léyi yɛ hán ɛyri-yɔwɔ mɛ̀n nɔn, ô bɔ̀ bɩ́ anhà-kɔ́n-ci léyi yɛ wá edomɛ̀n ɛcɛ̀n yrikan mɛ̀n nɔn.

Ɔwrɔn léyi ẅɛn ɛcüɛ̀n nɔn, ke sɩ́ hán nɛ́n nyran-wrɔnẅì ɛgbàn zriɛmɛ́n. Ɛcüɛn mɛ̀n de yɛ hán ɛnyànmàn kɔrɛ̀-zì-ci kɛ sá nmù nɔn.

Nyɛ́n di ɔwrɔnwrɔn ɔwɔ̀ɛn léyi nyɛ́n ẅɛn nɛ̀n nɔn: nyɛ́n di anmàn-wɔ̀ɛn nyɛ́n tán ɔwrɔn léyi nyɛ́n ẅɛn ɔwɔ̀ɛn nɔn, ô nyɛ́n di ɔkɔ̀hɔ̀n-hán wɔ̀ɛn nyɛ́n tán ɔwrɔn léyi nyɛ́n ẅɛn ɔẅɔɛ̀n nɔn; ɔwrɔn léyi ẅɛn ɛwá nɔn, nyɛ́n tán nɛ̀n ɛwá, ô ɔwrɔn léyi ɛmrɛ́n dú nɛ tɛn nɔn, nyɛ́n tán nɛ̀n ɛmrɛ́n.