Popular Bible Verses from Rɔmɛ̀n-anmàn-bɔ̀ 14

Share

Annanwɔrɛ mɛ̀n lɔ, Anhobɩ́ Nɛ̀ncüì-dúyri kè sɩ̀ dù ɛci-zî mán ɛntàn mi ankà; nɛ̀n dú ɛnyrɔnnan, anwɔwɔ mán pɔpüɛ̀-brà léyi Ɛnhɛ́n Prɔnprɔn kɛ tán nɔn. Ɔwrɔn léyi ke dú Krisì ci-bɩ̀tan-wrɔn, eci ɔmu lɔ hán mɛ̀n nɔn, nɛ cɔ́ Ɔwɔ cüɛ̀n kɩ anwrɔnẅì ke bɩ́ n'ankà.

Ke dú kɛ bɔ́ dù hô, bɔ́ dú Ɛẅɛnwrɔn kruhú, kɩ ke dú kɛ bɔ́ wú hô, bɔ́ wú Ɛẅɛnwrɔn kruhú. Ɔmu lɔ, ke dú kɛ bɔ́ dù, ke dú kɛ bɔ́ wù, bɔ̀ dú Ɛẅɛnwrɔn tɛn.

Bɔ̀ ji eci léyi kɛ tán anwɔwɔ, hɩ kɛ tán bɔ̀ ɛkɔrɛ̀-levri bɔ̀ sɔ̀nba ankaẅì-bùtan tɛ̀sɛ̀n nɔn.

Ke ji le bɔ̀ teze bɔ́ edomɛ̀n mrɛ̀ncì-ci-hán. Nyɛ́n bɔ̀sɔ́ ny'edomɛ̀n anvrɛnvrɛn, ô ny'eci-hán-ci zriɛmɛ́n ke bɩ́ sɩ́ nyɛ́n muan-ẅì ɛzɛ́n mɛ̀n.

Ɔmuhi Owrú dɔ̀ le: “Mɛ̀n, Ɛẅɛnwrɔn kɔrɛkɔrɛ, mɛ dɔ́ annanwɔrɛ mɛ̀n le: anwrɔnẅì lɔ fɛn kɛ lɛ shran mɛ̀n annankru ezìwúɛ, kɩ yɔ lɔ fɛn yɔ lɛ brá pɔpüɛ̀ tán Ɔwɔ.” Ɔmu lɔ de ɔwrɔnwrɔn, n'eci léyi nɛ́n hán nɔn, nɛ lɛ srɔ Ɔwɔ zìwú, ô nɛ́n dùku nɛ̀n dɔ̀.

Nyɛ́n ẅɛn ɔwrɔn léyi ankaẅì-bùtan cɛcɛ nɔn anvrɛnvrɛn, kɩ ke sɩ́ ji le nyɛ́n kɛ́n n'ankà-tro ankà ezì.

Antɔnwrɔn dú mɛ́n kɛ̂, e ci ɔwrɔn nyantɛn ci-bɩ̀tan-wrɔn ɛmrɛ̀n hàn? Ke dú kɛ ɔkɔ̀hɔ̀n anvrɛnvrɛn nɛ hán mán, kɩ ke dú kɛ ɔkɔ̀hɔ̀n gbàngbàn nɛ hán mán, ndɔ lɔ kɛ crɛ nyan n'ankà-yé-wrɔn. Kɩ nɛ lɛ nyɔn ɛshishiemɛ̀n, ɔmuhi Ɛẅɛnwrɔn ẅɛn ɛkɔrɛ̀srɔn kɛ lɛ wá nɛ̀n ɛkɔrɛ̀ nɔn.