Popular Bible Verses from Rɔmɛ̀n-anmàn-bɔ̀ 11

Share

Ɔmuhi eci lɔ fɛn dú n'eyri và, eci lɔ fɛn dú nɛ̀n ɛmɛ̀n kɩ dú nɛ tɛn. Eci-zrɔ kè dú Ɔwɔ tɛn ɛnvra lɔ fɛn! Kè dú ɔmu lɔ.

Nyàn ɔmuhi Ɔwɔ nɛ̀ncüì-dì lɔ sevri nɔn! Nyàn ɔmuhi n'ankà-nyrì mán n'eci-nyrì vrɛn nɔn! Antɔnwrɔn de kɛ lɛ dɔ́ n'eci-hán ankà nɛ́n? Antɔnwrɔn de ke le nyri n'ankɔnda-ci-hán ankà nɛ́n?

Hán ɔmu le Owrú kɛ dɔ̀ nɔn: “Antɔnwrɔn nyri Ɛẅɛnwrɔn ankà-tro hɛ̀? Antɔnwrɔn ke le dú n'ankà-woroan-yé-wrɔn nɛ́n?

Ɔmu zri lɔ, ɛnvra léyi bɔ̀ dú ɛmɛ̀n nɔn, anwrɔn ẅiɛ léyi worɔ dù nɔn, Ɔwɔ yɔ̀bɔ̀-nyrì lɔ mɛ̀n, mrɛ́n yɔ bɩ. Nɛ̀n mrɛ́n yɔ nɛ̀n bɩ́ ɛnbɔrɛ wɔwɔ mɛ̀n kɩ kè sɩ̀ dù yɔ eci-hán-ci mɛ̀n, kè sɩ̀ dù ɔmu lɔ hô, Ɔwɔ bɔrɛ-wɔ̀ lɔ ke sɩ̀ dú ɛbɔrɛ-wɔ̀ annanwɔrɛ.

Izraɛlɛ̀n dú cá ɛẅì-shi-tɛ̀ tɔ̀n léyi ye bi olivie, hɩ Ɔwɔ voyan n'andá hɔ̀n lɔ jan nɔn; kɩ andá hɔ̀n yri lɔ, nɛ̀n bɩ́ mɛ́n nɛ̀n hɛ́n, vɛ́n léyi è sɩ̀ dù Zhüifɛ̀n-wrɔn, hán ovú-tɛ̀-dá léyi yɛ kora bá ɛtɛ̀ nyantɛn domɛ̀n nɔn: vɛ́n mán zɛtɛ̀ lɔ, ɛ cɔ́ ɛtɛ̀ nyràn shi lɔ ke ci mɛ́n anẅia mɛ̀n. Hɩ le kruhú de ke sɩ́ ji le è gbri antɛ̀-dá hɔ̀n léyi yɛ voyan nɔn. Anwɔntan de ɛ lɛ hán è gbú ɔmùan nɛ́n? Kè sì dù vɛ́n de ɛ tán ɛtɛ̀-nyràn ecüì nɔn, tɛ́n ɛtɛ̀-nyràn de kɛ tán mɛ́n ecüì nɔn.