Popular Bible Verses from Rɔmɛ̀n-anmàn-bɔ̀ 10

Share

Ke dú kɛ, e ci v'anmùan mɛ̀n, ɛ dɔ́ anwrɔn lɔ fɛn zìwú le Zhezü dú Ɛẅɛnwrɔn kɩ v'ɛnborɛ mumù lɔ fɛn mɛ̀n, ɛ ẅɛn ankaẅì-bùtan le Ɔwɔ bɩ́ Zhezü owú-bɔ̀ mɛ̀n vá ɛkɔrɛ-bɔ̀ mɛ̀n hô, ɛ lɛ cɔ́ ebɩ̀die.

Annanwɔrɛ mɛ̀n lɔ, ɛnbɔrɛ mɛ̀n de ankaẅì-bùtan ke dù kɛ srɔ, kɩ ɔwrɔn léyi kɛ ẅɛn ankaẅì-bùtan nɔn, Ɔwɔ kɛ srɔ nɛ̀n ɛnyrɔnnan-wrɔn; anmùan mɛ̀n de yɛ dɔ́ ankaẅì-bùtan ankà nɔn, kɩ Ɔwɔ kɛ tán ɔwrɔn léyi kɛ dɔ́ ankaẅì-bùtan ankà nɔn, ebɩ̀die.

Ɔmu lɔ de, ankaẅì-bùtan kɛ và ɛnvra léyi ye die ɛmɛẅi ankà-dɔ̀ nukùɛ, kɩ ɛmɛẅi ankà ndɔ lɔ dú Krisì ankà-dɔ̀.

Annanwɔrɛ mɛ̀n lɔ, Owrú kɛ dɔ̀ le: “Ɔwrɔn totɔtɔ̀n léyi kɛ ẅɛn ankaẅì-bùtan n'ɛwú nɔn, ke sɩ̀ cɔ́ anvɛvrà.” Ɔmu lɔ de Zhüifɛ̀n-bɔ̀ mán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, angranmɛ̀n kè sɩ̀ vɛ́n yɔ: yɔ lɔ fɛn yɔ ẅɛn Ɛẅɛnwrɔn zri léyi kɛ tán yɔ, ɛnvra léyi yɔ bi nɛ̀n nɔn, n'ɛci anvrɛnvrɛn hɔ̀n lɔ. Annanwɔrɛ mɛ̀n lɔ, yɛ dɔ̀ le: “Ɔwrɔn totɔtɔ̀n léyi ke le bi Ɛẅɛnwrɔn nɔn, kɛ lɛ cɔ́ ebɩ̀die.”

Kɩ anwɔntan de yɔ lɛ hán yɔ dɔ́ n'ankà ke dú kɛ ye sɩ̀ wá anwrɔn ɔkɔ̀hɔ̀n n'ankà-dɔ́ mɛ̀n nɛ́n? Hán ɔmu le Owrú kɛ dɔ̀ nɔn: “Ɛnfì zrɔ, ɛnvra léyi yɛ kán ɛmɛẅi ankà ankrànkràn dɔ́-bɔ̀ kɛ và nɔn!”

Tɛ́n anwɔntan de yɔ lɛ hán yɔ bi nɛ̀n ke dú kɛ yɔ sɩ̀ ẅɛ̀n ankaẅì-bùtan n'ɛwú nɛ́n? Kɩ anwɔntan de yɔ le bú n'ankà yɔ tán ankaẅì ke dú kɛ yɔ sɩ̀ yà yɛ dɔ̀ n'ankà nɛ́n? Kɩ anwɔntan de yɔ lɛ hán yɔ yá ke dú kɛ ɔwrɔn zriɛmɛ́n kè sɩ̀ dɔ́ n'ankà nɛ́n?

Ɔmuhi Krisì nyrɔn Mohizì nyànmàn lɔ hàn kɩ cɔ́ ɛnkru, ô anwrɔn hɔ̀n léyi ẅɛn ankaẅì-bùtan nɔn, kɛ̀ srɔ ɛnyrɔnnan-bɔ̀ Ɔwɔ zìwú.