Popular Bible Verses from Filipɛ̀n anmàn-bɔ̀ 1

Share

Mɛ̀n ẅɛn esɛ́ ndɔ lɔ le: Ɔwɔ léyi bú ɔkɔ̀hɔ̀n ankrànkràn ndɔ lɔ ɛnkru ny'ɛmɛ̀n nɔn, kɛ lɛ hán nɛ̀n, nɛ̀n trɔ ɛnkru ɛnvra léyi Zhezü vá bì lɔ kɛ lɛ cɔ̀ nɔn.

Nyàn eci léyi mɛ sán m'Ɔwɔ-sɛ̀n lɔ mɛ̀n nɔn: ke ji le ny'ɛcüɛ̀n lɔ ke sevri ɛnvra lɔ fɛn, nɛ̀n di ɛnnɛ̀ncüì annanwɔrɛ-ci-nyriemɛ̀n mán ankà-yá anvrɛnvrɛn mɛ̀n, ô nyɛ́n cɔ́ ɛyri nyɛ́n nyri eci léyi zrɔ nɔn. Ɔmu lɔ de nye le dú ɛfifiemɛ̀n mán ɛyrɔnnan mɛ̀n ɛnbì léyi Krisì kɛ lɛ và nɔn.

Ɔmuhi mɛ tɛn, ɛwúvà dú Krisì, kɩ owù dú vɔ̀nshɛ̀.

Mɛ tán m'Ɔwɔ ɔkùɛn ɛnvra totɔtɔ̀n léyi me tro ny'ankà nɔn.

Tɛ́n, ny'esùnàn kè ci Krisì Mɛẅi ankà Ankrankran ci-hán lɔ wú. Ɔmu lɔ de, ke dú kɛ mɛ hɔ́n nyan nyɛ̀n, kɩ mɛ́n sɩ́ dú nyɛ̀n ɛmɛ̀n mán, mɛ lɛ yá le nyɛ́n dú ɔbɔ̀sɔ mɛ̀n ɛshishiemɛ̀n mán ɛnhɛ́n zriemɛ̀n, kɩ nyɛ kɔ́n anhà ɛnbɔrɛ zriemɛ̀n, ankaẅì-bùtan léyi nyɛ cɔ́ Ɛmɛẅi ankà Ankrankran lɔ wú nɔn hɩ kruhú.

Annanwɔrɛ mɛ̀n lɔ, eci léyi mɛ vrá hɩ mɛ ẅɛn esɛ́ n'ɛwú nɔn, ke sɩ̀ tán mɛ̀n anvɛvrà zriɛmɛ́n. Tɛ́n, zɛtɛ̀ lɔ mán ɛnvra lɔ fɛn, esɛ́ vri mɛ̀n, me le yé Krisì vrisɩ̀ lɔ, m'antà-duwrú mumù lɔ fɛn mɛ̀n, ke dú ɔkɔrɛ mɛ̀n mán, ke dú owúemɛ̀n mán.

Ɔmuhi Ɔwɔ tán bɔ̀ ɛcüɛ̀n léyi kɛ srɔ bɔ̀ Krisì ci-bɩ̀tan-bɔ̀, kè sɩ̀ dù hɩ le bɔ́ bú n'ankà bɔ́ tán ankaẅì nɔn kɩ, tɛ́n hɩ le bɔ́ vru bɔ́ kán ɛgbàn n'ɛkruhú nɔn.