Popular Bible Verses from Kɔlɔsèn anmàn-bɔ̀ 2

Share

Ɔmu lɔ, ɔmuhi nyɛ́n shri Zhezü Krisì nyɛ́n bɩ dú ny'Ɛẅɛnwrɔn nɔn, nyɛ́n dú ɔbɔ̀sɔ mɛ̀n nyɛ́n mán nɛ́n mɛhi. Nyɛ́n di annyràn n'ɛmɛ̀n, ô nyɛ́n bɩ́ ny'ɛwúvà lɔ fɛn nyɛ́n wá nɛ̀n ɛmɛ̀n. Nyɛ́n nyɔn ɛnvra lɔ fɛn ɛshishiemɛ̀n ankaẅì-bùtan wú, kè ci ankà-yé léyi nyɛ́n cɔ̀ nɔn hɩ wú, ô enyri-kùɛn-tán kè dú nyɛ̀n ɛmɛ̀n.

Nyɛ́n wá esùva, ɔwrɔn zriɛmɛ́n ke bɩ́ jrɛ́ nyɛ̀n ɛnkruemɛ̀n ɛfrɛ́n-ankà-dɔ̀ léyi ɔwrɔnẅì ankà-nyrì woro kɩ dú ɛmɛ̀n nɔn: ankà-nyrì ndɔ lɔ dú anwrɔnẅìemɛ̀n ankà-nyrì, nɛ̀n vru nɛ̀n dú ɛnhibù ɛnhɛ́n mɛ̀n cüì, kɩ nɛ̀n sɩ̀ dù Krisì mɛ̀n.

Ɛnbiɛhɛ́n vra lɔ, nyɛ́n wú ɛnhɛ́n mɛ̀n ny'ɛgbàn hɔ̀n lɔ kruhú, ɔmuhi nyɛ́n dú anwrɔn hɔ̀n léyi kè sɩ̀ nyrì Ɔwɔ nɔn. Tɛ́n zɛtɛ̀ lɔ, Ɔwɔ tán nyɛ̀n ɛwúvà wrù Krisì mɛ̀n. Nɛ̀n bɩ́ bɔ́ ɛgbàn hɔ̀n lɔ fɛn nɛ̀n ce bɔ̀. Nɛ̀n jrɛ́ ɛwrú ankà-dɔ̀ lɔ fɛn léyi kɛ bó bɔ̀ nwù hɩ kè sɩ̀ dù eci ankrànkràn kɛ̀ tán bɔ̀ nɔn: nɛ̀n jrɛ́ ɛwrú ankà-dɔ̀ ndɔ lɔ ɛgbàn-hán-tɛ̀ wú.

Ɔmuhi eci lɔ fɛn léyi dú Ɔwɔ mɛ̀n nɔn, bɩ́ edùwrú Krisì mɛ̀n, kɩ sɔ́n ebɩ́ kokroho n'ɛmɛ̀n; kɩ n'ɛmɛ̀n de nyɛ́n cɔ́ eci lɔ fɛn kokroho nɔn, nɛ́n léyi nɛ́n kà shɛ́n ɛkɔrɛ̀-levri lɔ fɛn mán ɛnhɛ́n kɔrɛ̀-srɔn lɔ fɛn wú nɔn.

Ɔmu lɔ, nyɛ́n bɩ́ teze ɔwrɔn zriɛmɛ́n ke ci nyɛ̀n ɛmrɛ̀n ny'ɛci-zî, ny'ɛnshi-mì, ny'ɔkoran, okù wrù mán ɛnyànmán-bì ankà wú. Ndɔ lɔ fɛn dú ɛnnɛ̀ncüì ci-ẅɛn-ci hɔ̀n léyi dú ezì kɛ lɛ và nɔn, y'ɔwɔ̀n; tɛ́n Krisì de dú eci annanwɔrɛ nɔn.