Popular Bible Verses from Mâki 5

Share

Zîsɛ è m̀o nɛnî-looi ma ǹyɛɛi, “Ńoŋ-nɛnîi, ílaa-lai a íƃalo, lí lii-sêe su, ŋa íkɔlɔ-felai ƃálo.”

Nɛnî tɔnɔ è kɛ̀ gwaai ŋí ma kɔlɛ ma. Ŋãa kɔlɔ-fela è kɛ̀ ma kóraŋ puu kao feerɛ yée mu. È lì zóo támaa pɔ́ naa a gɛ́ɛ dí zále. È ǹyée ŋá pù a dámaa sále-ŋa mɛni ma. Kɛ́lɛ, vé ƃálo ní. Ŋɔpalai su è kɛ̀ nɔ́ kɛ̂tɛi.

È lɛ̀ɣɛ kpɔ́ nɔ́ Zîsɛ ŋɔyokpoi wóŋ ma, ŋ̀ãai é kpèra pûi é gɔ́lɔŋ gbîŋ kponôi pere a gɛ́ɛ a ƃálo ŋɔmɛni kpɔ̂lui yêei.

È ǹôloŋ yée sòŋ ǹyɛɛ mai, “Talida, kumi.” Zu-kulâi ƃa, “Nɛnî-loŋ, ŋa mò yâ, ímu siɣe.”

Zîsɛ kɛ́ɛ kɛ̀ lônoi, kéla-ŋa dí kùla Ŋ̀âla fɛli-kerei mɛi-nuui ŋɔpɛ́rɛi lá, dí m̀o Zailɔ ma dîɛi, “Íloŋ-nɛnîi aâ saa. Lé ƃé íkaa fũa-fũa tɔɔ̂i la Kaamɔ̂ɔ ma ŋɔ́nɔi?” Zîsɛ kɛ́ɛ a díwoo mɛ̀nii, vé ŋ̀oli tɔ̀ɔ ní mà. Kɛ́lɛ, è mò ǹalôŋ ma ǹyɛɛi, “Ífe yào. Láa nɔ́ a Ɣâla.”

È nyíŋi ƃò, kpɛ́ni fêi, è m̀ɛni Zîsɛ lá ǹyɛɛi, “Yá nyînaŋ nyɔ́mɔɔ, sìɣe ǹalôŋ ŋí pôlu!” Zîsɛ è m̀arê kɛ̀, ǹyɛɛ mai, “Ílaa ƃa gbɛ̂ɛ?” Ǹyɛɛ mai, “Ńaa ƃa kpɔŋ. Kútamaâi.”