Popular Bible Verses from Maafîu 3

Share

Maa mɛ̂ni ma, ka nɛ̀ɛ naa káƃa é kálii-penêi lɛ́.

Nya ƃe wóo è kùla ŋelei su, ǹyɛɛi, “Ŋáwɛli-kɛ-maa-Lóŋ ká ŋi nyii maa-mɛni a ńii láai.”

Zîsɛ kɛ́ɛ Zɔ̂ŋ a ŋɔbatâi kɛ́i, è kùla ǹyái su a maa félaa. Nya ƃe ŋele-kɔlɔŋ lá è ƃò mì, è Ɣâla Ŋɔmɔ̂leŋ kaa gɛ yeŋ yɛ̂ɛ tòloŋ é sée ma.

“Ŋa kábatâi kɛ̂i a yá lii-pene mɛni ma. Kɛ́lɛ, ǹúui nyíi gáa pâi ḿbôlui ŋɔwala-wala-laai tɛɛ̂i ŋ́ɔ̂i ma. Ḿaa fé nɛ̃ɛ ní a gɛ́ɛ ŋá ŋɔkpâŋ-kpalii siɣei. A pâi kábatâi kɛ̂i a M̀ɔlêŋ Maa Waai da ŋɔŋ.

Loníi ma máŋ, ǹyuɔ̂i ŋá seɛɛ̂i ŋ̀úru-ŋai same ḿâ. M̀ɛni ma ŋurii nyii kélee va ƃâi a m̀á lɛ́lɛɛi, da bɔ̀ŋ dí bili ŋɔŋ ŋá.

Kpɛ́ni fêi, ǹúui ŋi ƃe Ɣâla ŋɔlóno-kɛ-nuui Azaya e maa-mɛni ƃò, ǹyɛɛi, “Ǹyaa ƃa ǹúui ŋ̀óo káa tɛ̂i vɛ̃ɛ-kpâlaŋ su, ǹyɛɛi, ‘Ka Kúnuu-namui ŋɔperei kpɛtɛ, ká ŋɔpere-ŋai su sãa.’ ”